تحریک انصاف حکومت کی جانب سے اداکار شان کو اہم عہدہ سونپنے کا فیصلہ

ملک کے مایہ ناز فلم اسٹار کو اسپورٹس بورڈ پنجاب نے کھیلوں کا سفیر بنانے کا فیصلہ کرلیا

محمد علی اتوار 24 جنوری 2021 00:45

لاہور (اردوپوائنٹ اخبار تازہ ترین۔ 23 جنوری 2021ء) تحریک انصاف حکومت کی جانب سے اداکار شان کو اہم عہدہ سونپنے کا فیصلہ، ملک کے مایہ ناز فلم اسٹار کو اسپورٹس بورڈ پنجاب نے کھیلوں کا سفیر بنانے کا فیصلہ کرلیا ۔ تفصیلات کے مطابق متعدد مواقعوں پر وزیراعظم عمران خان کی بھرپور حمایت کرنے والے ملک کے معروف اور مایہ ناز اداکار شان کو اب حکومتی سطح پر اہم عہدہ دینے کا فیصلہ کیا گیا ہے۔

انہیں پنجاب کی صوبائی حکومت نے کھیلوں کا سفیر بنانے کا فیصلہ کیا ہے۔

(جاری ہے)

بتایا گیا ہے کہ اداکار شان نے ہفتہ کے روز اسپورٹس بورڈ پنجاب کے افسران سے ملاقات کی۔اس ملاقات کے بعد میڈیا سے گفتگو میں شان نے کہا کہ وہ کھیلوں کی ترقی کے لیے ہر طرح کی خدمات فراہم کرنے کیلئے حاضر ہیں۔ قومی کھیل سمیت تمام کھیلوں کے فروغ کے لیے کام کرتے رہیں گے۔ اداکار شان کی جانب سے 14 برس بعد جنوبی افریقہ کی کرکٹ ٹیم کی پاکستان آمد کے حوالے سے بھی ردعمل دیا گیا۔ ان کا کہنا ہے کہ جنوبی افریقی ٹیم کا دورہ پاکستان خوش آئندہ ہے، امید ہے پاک پروٹیز سیریز کے دوران اچھی کرکٹ دیکھنے کو ملے گی۔