بھارتی یوم جمہوریہ پر کشمیریوں کا دنیا بھر میں یوم سیاہ
بھارت کا یوم جمہوریہ یومِ سیاہ کے طور پر منایا جا رہا ہے‘ دنیا بھر میں کشمیری سراپا احتجاج ہیں .شاہ محمود قریشی
میاں محمد ندیم منگل 26 جنوری 2021 15:12
(جاری ہے)
بھارت کے غیرقانونی قبضے میں موجود جموں وکشمیر کی کل جماعتی حریت کانفرنس کی اپیل پر مقبوضہ کشمیر میں بھارت کے غیر قانونی تسلط اورریاستی دہشت گردی کے خلاف آج مکمل ہڑتال ہے آزاد جموں وکشمیر کے تمام اضلاع میں بھارتی یوم جمہوریہ کو یوم سیاہ کے طورپر منانے کے لیے آج احتجاجی ریلیاں نکالی جا رہی ہیں اور مظاہرے کیے جا رہے ہیں. ادھر پورے مقبوضہ علاقے بالخصوص کشمیر کرکٹ اسٹیڈیم سمیت 26جنوری کی سرکاری تقریبات کے مقامات کے گرد بھارت مخالف مظاہروں کو روکنے کے لیے قابض بھارتی فورسز کی بھاری نفری تعینات کی گئی ہے سرینگر میں تین حصاروں پر مشتمل سیکیورٹی انتظامات کیے گئے ہیں اور پورے مقبوضہ علاقے میں جگہ جگہ قائم کی گئی چوکیوں پر لوگوں سے ناروا سلوک اختیار کیا جا رہا ہے. دوسری جانب وزیرخارجہ شاہ محمود قریشی نے اس حوالے سے اپنے بیان میں کہا کہ آج بھارت کا یوم جمہوریہ یومِ سیاہ کے طور پر منایا جا رہا ہے اور دنیا بھر میں کشمیری سراپا احتجاج ہیں شاہ محمود قریشی نے کہا کہ آئین کے تحت کشمیریوں کو دیا گیا تشخص چھین لیا گیا ہے، کشمیری سراپا احتجاج ہیں کہ ان کے بنیادی آئینی حقوق سلب کر لیے گئے ہیں. انہوں نے کہا کہ بین الاقوامی میڈیا، انسانی حقوق کے تحفظ کے لیے کام کرنے والی عالمی ادارے مقبوضہ جموں و کشمیر میں جاری انسانی حقوق کی سنگین خلاف ورزیوں اور بھارتی مظالم کا پردہ چاک کر رہے ہیں انہوں نے کہا کہ آج بھارت میں یوم جمہوریہ کی پریڈ میں ٹینک نہیں ٹریکٹر نظر آرہے ہیں، آج ہندوستان کے کسان دلی کی طرف مارچ کررہے ہیں جبکہ بھارت سرکار کی منفی پالیسیوں کے باعث بھارت کی معیشت کی صورتحال بگڑ چکی ہے. وزیر خارجہ نے کہا کہ بھارت میں آج اقلیتیں خود کو غیر محفوظ محسوس کررہی ہیں، آج وہاں مسلمان، بنگالی، دلت کوئی محفوظ نہیں اور جمہوریت کے بجائے کالے قوانین کا نفاذ ہو رہا ہے انہوں نے کہا کہ آج کے بھارت میں سیکولرازم دبتا ہوا اور ہندوتوا سوچ ابھرتی ہوئی دکھائی دے رہی ہے. شاہ محمود قریشی نے کہا کہ بھارت کے رویے سے اس کے سارے پڑوسی نالاں ہیں اور نیپال، چین اور بنگلہ دیش سب کے ساتھ بھارت کا رویہ بدلا ہوا ہے جبکہ بھارت اسی رویے کے باعث تیزی سے اپنے پڑوسی ممالک سے دور ہو رہا ہے. ادھر حریت رہنما یاسین ملک کی اہلیہ مشعال ملک نے کہا ہے کہ ہندوستان کا یوم جمہوریہ کشمیری یوم سیاہ کے طور پر منارہے ہیں اور ہندوستان نے کشمیریوں سے ہر حق چھین رکھا ہے اپنے بیان میں مشعال ملک نے کہا کہ ہندوستان نے کشمیریوں سے آزادی، جینے حتی کہ سانس لینے کا حق بھی چھین رکھا ہے اور حریت قیادت کو جیل میں بند رکھا ہے. انہوں نے اپنے شوہر کا ذکر کرتے ہوئے کہا کہ یاسین ملک تہاڑ جیل میں قید ہیں اور یاسین ملک کی جان کو خطرہ ہے جبکہ ہمارے ہزاروں نوجوان جیلوں میں قید ہیں مشعال ملک نے کہا کہ ہمیں تدفین کے لیے شہیدوں کی لاشیں نہیں دی جاتیں اور انہوں نے سوال کیا کہ ہندوستانیو کیا کشمیری انسان نہیں ہیں.
مزید اہم خبریں
-
ہم اربوں ڈالر یوکرین اور روس کے کسانوں کو تو دے دیتے ہیں تاہم چند ہزار اپنے کسانوں کو نہیں دے رہے
-
ہم نئی جماعت نہیں لا رہے،بس ملک کو ایک نئی سوچ کی ضرورت ہے
-
وہ ڈاکو جنہوں نے گندم امپورٹ کی، جو کسان کے گلے پر چھری پھیر رہے ہیں انہیں اسلام آباد میں الٹا لٹکائیں
-
اگر انتخابی نظام اور نئے الیکشن کی بات ہوتی ہے توسب بات کریں گے
-
SECP ایس ا ی سی پی کا انشورنس سیکٹر میں IFRS 17 لاگو کرنے پر زور
-
میں اگر پروآرمی یا پروانسٹیٹیوٹ ہوں تو میں بالکل پرو آرمی ہوں
-
وزیراعظم شہبازشریف سے چیئرمین بزنس مین گروپ محمد زبیر موتی والا کی سربراہی میں کراچی چیمبر کے وفد کی ملاقات، پاکستان میں کاروباری برادری کو درپیش مختلف مسائل کے حوالے سے بریفنگ
-
آصف علی زرداری سے آسٹریلیا کے ہائی کمشنر نیل ہاکنز کی ملاقات
-
کسی عمومی کمیٹی کے اوپر خصوصی کمیٹی کی تشکیل درست نہیں ،سپیکر قومی اسمبلی
-
متحدہ عرب امارات میں پاکستان سفارت خانہ ابوظہبی کی جانب سے یوم پاکستان کی مناسبت سے استقبالیہ کا اہتمام
-
بے ضابطگیوں اور آزادانہ مشاہدے پر پابندیوں نے انتخابی عمل پر شکوک و شہبات کو بڑھا دیا
-
ڈاکٹر سید ابراہیم رئیسی کا دورہ اسلام آباد،پاک ایران کا مشترکہ اعلامیہ جاری
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.