جوبائیڈن کا روسی ہم منصب سے رابط‘ہتھیاروں کے پھیلاﺅ سمیت اہم امور پر تبادلہ خیال
صدر بائیڈن روس کے ساتھ امریکی تعلق کا نیا انداز مقرر کرنا چاہتے ہیں‘نئی انتظامیہ دونوں ملکوں کو تعلقات کو معمول پر رکھتے ہوئے اختلافات کو بھی نہیں بڑھانا چاہتی .امریکی ماہرین
میاں محمد ندیم بدھ 27 جنوری 2021 12:37
(جاری ہے)
صدر بائیڈن اور صدر پوتن کے درمیان اس رابطے کی تفصیلات امریکی نشریاتی ادارے نے جاری کی ہیں صدر بائیڈن روس کے ساتھ امریکی تعلق کا نیا انداز مقرر کرنا چاہتے ہیں جو سرد جنگ کے زمانے کے مخالف امریکہ کی جمہوریت کو کمزور اور پوٹن کے اقتدار کی دو دہائیوں کے دوران دنیا میں خود کو دوبارہ سے طاقتور ملک کے طور پر سامنے لانا کی کوششیں کرتا رہا ہے. رپورٹ میں بتایا گیا ہے کہ ڈیمو کریٹک صدر بائیڈن روسی صدر پوٹن کے ساتھ تعلقات کے نئے سرے سے آغاز پر کاربند نہیں جیسا کہ صدر براک اوباما کی پہلی مدت صدرات کے دوران کیا گیا تھا جسے زیادہ تر خارجہ پالیسی کے امریکی ماہرین ایک ناکام کوشش قرار دیتے ہیں لیکن وہ اپنے روسی ہم منصب کے ساتھ اختلافات کو بڑھانا بھی نہیں چاہتے گو کہ صدر بائیڈن نے ڈونلڈ ٹرمپ کے برعکس ولادی میر پوٹن سے الیکشن مداخلت، افغان باﺅنٹی سکیم اور سائبر حملوں پر براہ راست بات کی ہے لیکن گزشہ روز دونوں راہنماﺅں کے درمیان ہونے والی گفتگو مکمل طور پر اختلافی نہیں تھی. گفتگو کے دوران صدر بائیڈن اور صدر پوٹن نے ”نیو سٹارٹ“ نامی جوہری کنڑول کے باہمی معاہدے کو مزید پانچ سال کے لیے توسیع دینے پر اپنی باہمی خواہش کا اظہار کیا، جو کہ دونوں ملکوں کے درمیان جوہری ہتھیاروں کو محدود رکھنے کا معاہدہ ہے اور 1990 سے کیے جانے والے معاہدوں کی تازہ ترین کڑی ہے. نیو سٹارٹ پر پہلی بار صدر اوباما نے 2009 میں دستخط کیے تھے جو دونوں ممالک کو ایک دوسرے کے جوہری ہتھیاروں کے بارے میں شفافیت سے جائزہ لینے کی اجازت دیتا ہے اس سے ایک روزقبل صحافیوں سے گفتگو کرتے ہوئے صدر بائیڈن نے کہاتھا کہ میں سمجھتا ہوں کہ ہم دونوں اپنے ملکوں کے باہمی فوائد کے لیے نیو سٹارٹ معاہدے پر کام کر سکتے ہیں اور روس کو یہ واضح انداز میں بتا سکتے ہیں کہ ہم ان کے رویے، چاہے یہ نوالنی سے متعلق ہو، سولر ونڈز یا افغانستان میں امریکیوں کی سر کی قیمت مقرر کرنے جیسے معاملات ہوں کے حوالے سے تشویش کا شکار ہیں. دونوں راہنماﺅں کی گفتگو کے حوالے سے کریملن سے جاری کردہ بیان میں اسے کاروباری نوعیت اور بے تکلفانہ قرار دیا گیا بیان کے مطابق دونوں راہنماﺅں نے مزید رابطے جاری رکھنے پر اتفاق کیا ہے بائیڈن انتظامیہ حالیہ دنوں میں صدر پوٹن پر نوالنی اور گذشتہ ہفتے کے اختتام پر احتجاج کے دوران گرفتار کیے جانے والے ان کے حامیوں کو رہا کرنے پر زور دیتی رہی ہے تاہم وائٹ ہاﺅس کی جانب سے دونوں راہنماﺅں کے درمیان ہونے والی گفتگو کی کوئی تفصیل باضابط طور پرجاری نہیں کی گئی.
مزید اہم خبریں
-
وفاقی وزیر برائے منصوبہ بندی ترقی و خصوصی اقدامات احسن اقبال کی زیرصدارت اجلاس
-
ملک میں ایک بار پھر جان بچانے والی دواؤں کی قلت،مختلف امراض میں مبتلا مریضوں کو مشکلات کا سامنا
-
وزیر اعلی سندھ نے غیر اعلانیہ لوڈشیڈنگ کا معاملہ وفاقی وزیر توانائی کے سامنے اٹھا دیا
-
تجوری ہائٹس معاوضہ ادائیگی کیس، سپریم کورٹ کی نظر ثانی کی درخواست پر نمبر درج کرنے کی ہدایت
-
نوازشریف کی صحابی رسولؐ سعد بن ابی وقاصؓ کے مزار پر حاضری
-
اپنے معاشرے کو ترقی یافتہ بنانے کیلئے ضروری ہے ہماری خواتین انفارمیشن ٹیکنالوجی سکلزحاصل کریں‘مریم نواز
-
پنجاب میں سماج دشمن اور جرائم پیشہ عناصر کے لئے اب کوئی جگہ نہیں‘ مریم نواز شریف
-
وزیراعلیٰ مریم نوازکی پولیس یونیفارم میں لیڈی پولیس کانسٹیبل اورٹریفک اسسٹنٹ پاسنگ آؤٹ پریڈ میں شرکت
-
’’مجھے بھی مبارک باد، یہ میری بھی بیٹیاں ہیں‘‘،مریم نوازشریف
-
اوگرانے تیل کی قیمتیں ڈی ریگولیٹ کرنے کی تردید کر دی
-
چیف جسٹس قاضی فائز عیسی نے پروٹوکول واپس کردیا
-
سپریم کورٹ نے برطرفی کیخلاف حیدرآباد ڈیولپمنٹ اتھارٹی کے ملازمین کی درخواست مسترد کردی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.