آر او صاحبان جعل سازی کو روکنے کی ہر ممکن کوشش کریں‘ترجمان الیکشن کمیشن

بدھ 27 جنوری 2021 16:17

مظفرآباد (اُردو پوائنٹ اخبارتازہ ترین - این این آئی۔ 27 جنوری2021ء) ترجمان الیکشن کمیشن کی جانب سے جاری کردہ پریس ریلیز کے مطابق آزاد جموں و کشمیر الیکشن کمیشن نے مہاجرین مقیم پاکستان کے انتخابی حلقہ جات میں جعلی اور ٹمپرڈ شدہ سٹیٹ سبجیکٹس کے استعمال کی شکایات پر نوٹس لیتے ہوئے رجسٹریشن آفیسرز کو ہدایات جاری کی ہیں کہ آر او صاحبان جعل سازی کو روکنے کی ہر ممکن کوشش کریں اور شاکی حضرات سے گذارش ہے کہ ایسے افراد کے خلاف بمعہ ثبوت متعلقہ آر او صاحبان سے رجوع کریں۔

(جاری ہے)

ایسے افراد جو اس عمل میں ملوث پائے گئے تو انکے خلاف سخت کارروائی عمل میں لائی جائے گی اور ایسے افراد کے ساتھ متعلقہ تصدیقی کمیٹی بھی ذمہ دار ہوگی۔