دوران ڈیوٹی پولیس ملازمین موبائل فون کا استعمال کم سے کم کریں‘آئی جی پنجاب کی ہدایت

جمعرات 28 جنوری 2021 11:55

بہاولنگر(اُردو پوائنٹ اخبارتازہ ترین - این این آئی۔ 28 جنوری2021ء) آئی جی پنجاب نے دوران ڈیوٹی موبائل فون کے استعمال پر عملدرآمد کو یقینی بنانے کیلئے ہدایات جاری کی ہیں اور کہا ہے کہ دوران ڈیوٹی پولیس ملازمین موبائل فون کا استعمال کم سے کم کریں تاکہ جرائم کو کنٹرول کرنے میں مدد مل سکے پولیس ذرائع کے مطابق آئی جی پنجاب کو دوران ڈیوٹی پولیس ملازمین کی جانب سے موبائل فون کے استعمال کی شکایات ملی ہیں جس پر انہوں نے ہدایت جاری کی ہے کہ دوران ڈیوٹی موبائل فون کا استعمال کم سے کم کیا جائے اس کے علاوہ تھانوں میں بھی دوران ڈیوٹی عملہ اکثر موبائل فون میں مصروف رہتا ہے جس کی روک تھام کیلئے آئی جی پنجاب نے یہ ہدایات جاری کی ہیں تاکہ جرائم کو کنٹرول کرنے میں مدد مل سکے۔