سینیٹ انتخابات سے قبل پی پی امیدوار پلوشہ خان کے گھر پر نامعلوم افراد کا حملہ

5 سے زائد افراد میرے گھر آئے اورگھروالوں کودھمکیاں دیں، حملہ آور کہہ رہےتھے پلوشہ خان کو باہرنکالو، پی پی رہنما کا بیان

شہریار عباسی جمعہ 26 فروری 2021 21:41

کراچی (اُردوپوائنٹ اخبار تازہ ترین ۔ 26 فروری 2021ء) سینیٹ انتخابات سے قبل پی پی امیدوار پلوشہ خان کے گھر پر نامعلوم افراد کا حملہ، نامعلوم افراد کی جانب سے اہل خانہ کو دھمکایا گیا ۔ میڈیا رپورٹس کے مطابق پاکستان پیپلزپارٹی کی رہنما و سینیٹ انتخابات میں سندھ سے امیدوار پلوشہ خان کے کراچی کے علاقے گلستان جوہر میں واقع گھر پر حملہ کردیا گیا ۔

(جاری ہے)

اس حوالے سے پی پی رہنما پلوشہ خان کا کہنا ہے کہ میرےکراچی کے علاقے گلستان جوہر میں واقع گھر پرحملہ کیاگیا جہاں 5 سے زائد افراد میرے گھر آئے اورگھروالوں کودھمکیاں دیں۔انہوں نے بتایا کہ حملہ آور کہہ رہےتھے پلوشہ خان کو باہرنکالو۔ پی پی رہنما کے مطابق میں تھانے میں درخواست دے رہی ہوں جبکہ وزیراعلیٰ سندھ کو بھی واقعےکی اطلاع دی ہے۔ پلوشہ خان کا کہنا ہے کہ معلوم نہیں کہ مشکوک افراد کی آمد کا مقصد کیا تھا تاہم اہل محلہ بھی واقعے پرتشویش میں مبتلا ہیں۔ خیال رہے کہ پلوشہ خان سینیٹ انتخابات میں سندھ سے پیپلزپارٹی کی امیدوار ہیں۔ سینیٹ انتخابات سے قبل پی پی رہنما کے گھر پر حملے کے حوالے سے اب تک پولیس کی جانب سے کوئی بیان جاری نہیں کیا گیا ہے ۔