وزیراعظم عمران خان نے سینیٹ انتخابات 2021ء میں کامیابی کے لیے حکمتِ عملی ترتیب دیدی

اتوار 28 فروری 2021 19:40

وزیراعظم عمران خان نے سینیٹ انتخابات 2021ء میں کامیابی کے لیے حکمتِ عملی ..
اسلام آباد(اُردو پوائنٹ اخبارتازہ ترین - این این آئی۔ 28 فروری2021ء) وزیراعظم عمران خان نے سینیٹ انتخابات 2021ء میں کامیابی کے لیے حکمتِ عملی ترتیب دیدی ہے۔ذرائع کے مطابق سابق وزیراعظم سید یوسف رضا گیلانی کے مقابلے میں وزیر خزانہ حفیظ شیخ کی کامیابی کو یقینی بنانے کے لیے وزیراعظم عمران خان نے ارکان قومی اسمبلی سے ملاقاتوں کا فیصلہ کیا ہے۔

(جاری ہے)

ذرائع کے مطابق عمران خان 3 مارچ کے سینیٹ انتخابات سے پہلے ارکان اسمبلی سے ملاقات کریں گے۔ذرائع کے مطابق وزیراعظم اگلے 2 روز پارلیمنٹ ہاؤس میں ارکان سے ملاقاتیں کریں گے اور ایم این ایز سے اٴْن کے مسائل سنیں گے اور ان خدشات دور کریں گے۔ذرائع کے مطابق سینیٹ انتخابات کے باعث ہفتہ وار کابینہ اجلاس بھی مؤخر ہونے کا امکان ہے، جو تاحال نہیں بلایا گیا ہے۔