سپریم کورٹ کا سینیٹ انتخابات سے متعلق فیصلہ آئین و قانون کی فتح ہے‘حسن مرتضی

پیر 1 مارچ 2021 14:27

لاہور(اُردو پوائنٹ اخبارتازہ ترین - این این آئی۔ 01 مارچ2021ء) پیپلزپارٹی پنجاب کے پارلیمانی لیڈر سید حسن مرتضی نے کہا ہے کہ سپریم کورٹ کا سینیٹ الیکشنز سے متعلق سیکریٹ بلیٹنگ کا فیصلہ آئین و قانون کی فتح ہے،سینیٹ انتخابات سے متعلق سپریم کورٹ آف پاکستان کی رائے انتہائی مقدم ہے،سپریم کورٹ کی رائے کے بعد ثابت ہوا کہ سینیٹ الیکشنز سے متعلق صدارتی ریفرنس بد نیتی پر مبنی تھا،صدر عارف علوی کو آئین سے متصادم صدارتی ریفرنس پر قوم سے معافی مانگنی چاہیے۔

(جاری ہے)

اپنے بیا ن میں انہوںنے کہاکہ سینیٹ انتخابات اوپن بیلٹ سے کروانا دیوانے کا خواب ثابت ہوا۔مارچ کا مہینہ سلیکٹڈ حکومت کے خاتمے کا مہینہ ثابت ہوگا۔سینیٹ الیکشن ، عدم اعتماد یا لانگ مارچ عوامی طاقت سے اپوزیشن ہر آپشن استعمال کرے گی۔آصف علی زرداری کے سینیٹ الیکشن سے قبل اسلام آباد پہنچنے سے ایوانِ وزیراعظم پر لرزہ طاری ہے۔