حلیم عادل شیخ کو اسپتال منتقل کرنے کے بجائے جیل منتقل کردیا گیا ہے، خاندانی ذرائع

جمعرات 4 مارچ 2021 14:30

کراچی(اُردو پوائنٹ اخبارتازہ ترین - این این آئی۔ 04 مارچ2021ء) سندھ اسمبلی میں اپوزیشن لیڈر اور پاکستان تحریکِ انصاف کے رہنما حلیم عادل شیخ کو جیل منتقل کر دیا گیا ہے۔حلیم عادل شیخ کے خاندانی ذرائع نے بتایاکہ حلیم عادل شیخ کو اسپتال منتقل کرنے کے بجائے جیل منتقل کردیا گیا ہے۔خاندانی ذرائع کے مطابق حلیم عادل شیخ کے پیر میں لگی ہوئی راڈ نکالنے کے لیے آپریشن کیا جانا تھا۔

(جاری ہے)

حلیم عادل شیخ کو چند روز قبل جیل سے این آئی سی وی ڈی منتقل کیا گیا تھا۔پی ٹی آئی رہنما حلیم عادل شیخ نے جیل انتظامیہ کو عارضہ قلب میں مبتلا ہونے اور طبیعت خرابی پر طبی امداد کے لیے درخواست دی تھی۔حلیم عادل شیخ کو این آئی سی وی ڈی سے چیک اپ کے بعد جناح اسپتال کے آرتھو پیڈک وارڈ میں منتقل کیا گیا تھا۔این آئی سی وی ڈی کے ڈاکٹروں نے طبی معائنے کے بعد حلیم عادل شیخ کو صحت مند قرار دیا تھا۔