پاک فوج کی ضربِ حدید کے نام سے سالانہ مشقیں جاری

مشقوں کا مقصد فوج کی آپریشنل تیاریوں میں اضافہ اور مختلف حصوں میں ہم آہنگی لانا ہے

جمعرات 4 مارچ 2021 22:58

راولپنڈی (اُردو پوائنٹ اخبارتازہ ترین - این این آئی۔ 04 مارچ2021ء) پاک فوج کی ضربِ حدید کے نام سے سالانہ مشقیں جاری ہیں مشقوں کا مقصد فوج کی آپریشنل تیاریوں میں اضافہ اور مختلف حصوں میں ہم آہنگی لانا ہے۔

(جاری ہے)

آئی ایس پی آر کے مطابق بہاولپور کور کے زیر اہتمام ضربِ حدید کے نام سے سالانہ فوجی مشقیں جاری ہیں، موسم سرما کی مشق ضرب حدید میں شریک جوانوں نے مختلف ڈرلز اور حکمت عملی کی مشقیں اور آپریشنزکی تیاریاں کیں۔

آئی ایس پی آر کے مطابق مشقوں کا مقصد فوج کی آپریشنل تیاریوں کو بڑھانا اور افواج کے مختلف حصوں میں ہم آہنگی لانا ہے،آئی ایس پی آر کے مطابق صحرا اور میدانی علاقوں میں موسمی حالات کے پیش نظرڈرلزبھی کی جارہی ہیں ، اس دوران جنگی حکمت عملی، فائرپاوراور نقل وحرکت کی مشقیں بھی کی گئیں۔