ودیا بالن کا موٹا جسم بھارت کا قومی مسئلہ بن گیا

ساری زندگی ہارمونل مسائل کا شکار رہی ‘ کافی عرصے تک مجھے اپنے جسم سے نفرت ہوگئی تھی‘اداکارہ

منگل 9 مارچ 2021 12:38

ودیا بالن کا موٹا جسم بھارت کا قومی مسئلہ بن گیا

ممبئی(اُردو پوائنٹ اخبارتازہ ترین - این این آئی۔ 09 مارچ2021ء) بھارتی اداکارہ ودیا بالن کا کہنا ہے کہ مجھے اپنے جسم سے نفرت ہوگئی تھی کیوں کہ میرا موٹاپا بھارت کا قومی مسئلہ بن گیا تھا۔میڈیا رپورٹ کے مطابق بھارتی اداکارہ ودیا بالن کا کہنا تھا کہ میں ہمیشہ سے ہی ایک موٹی لڑکی تھی تاہم بالی وڈ میں ا?نے کے بعد میرا بڑھتا وزن اور موٹاپا ایک قومی مسئلہ بن گیا تھا ۔

(جاری ہے)

ودیا بالن نے کہا کہ ساری زندگی ہارمونل مسائل کا شکار رہی جب کہ کافی عرصے تک مجھے اپنے جسم سے نفرت ہوگئی تھی۔ مجھے لگتا تھا کہ میرے جسم نے مجھے دھوکا دیا ہے ، میں بے حد غصہ اور مایوسی کا شکار ہوگئی تھی۔بھارتی اداکارہ نے کہا کہ وقت کے ساتھ ساتھ مجھے احساس ہوا کہ میرا جسم ہی ہے جس کہ وجہ سے میں زندہ ہوں، کیوں کہ جس دن میرے جسم نے کام کرنا چھوڑدیا، نہ میرا وجود یہاں ہوگا اور نہ ہی میں لوگوں کے درمیان ہوں گی۔