سرفراز احمد اور انور علی نے نیا ناظم آباد میں شجر کاری مہم کا آغاز کردیا،مہم کے تحت 5ہزار پھلوں اورپھولوں کے پودے لگائے گئے

کرکٹرز بھی موسم بہار کی شجر کاری میں حصہ لیں اور اپنے علاقوں،پارکوں اور کھیل کے میدانوں میں بڑے پیمانے پرشجر کاری کریں، سرفرازاحمد

منگل 9 مارچ 2021 16:15

سرفراز احمد اور انور علی نے نیا ناظم آباد میں شجر کاری مہم کا آغاز ..

کراچی(اُردو پوائنٹ اخبارتازہ ترین - این این آئی۔ 09 مارچ2021ء) قومی کرکٹ ٹیم کے سابق کپتان اور کوئٹہ گلیڈی ایٹر کے کپتان کرکٹر سرفراز احمد نے کہا ہے کہ پی ایس ایل نے پاکستان میں کرکٹ کو فروغ دینے اور نئے و پرانے کرکٹر کو اپنی صلاحتیں آزمانے کا بہترین موقع دیا ہے پی ایس ایل ایک نئے دور کا آغاز ہے۔

(جاری ہے)

اور پی ایس ایل کے باقی میچز جون میں منعقد ہوں گے، وہ گزشتہ روز نیا ناظم آباد میں کرکٹر انور علی کے ساتھ نیشنل فورم اینڈ انوائرمنٹ ہیلتھ اور نیا ناظم آباد کی موسم بہار شجرکاری مہم سے سے خطاب کر رہے تھے اس موقع پرنیا ناظم آباد کے سربراہ صمد حبیب،فنانس ڈائریکٹر محمد طلحہ،نیشنل فورم کے صدر محمد نعیم قریشی،ندیم اشرف،رقیہ نعیم، مصطفی طاہراور انیس یونس بھی موجود تھے سرفراز احمد نے کہا کہ کرکٹرز بھی موسم بہار کی شجر کاری میں حصہ لیں اور اپنے علاقوں،پارکوں اور کھیل کے میدانوں میں بڑے پیمانے پرشجر کاری کریں اور انکی دیکھ بھال بھی کرین اس سے شہر سر سبز خوبصورت اور آلودگی سے پاک ہوگا اس موقع پر کھلاڑیوں انتظامیہ نیشنل فورم اور سی ایس آر کلب کے تحت پھلوں اور سبزیوں کے پودے لگائے گئی-اس مہم کے تحت 5ہزار پودے لگائے جائنگے جنکی دیکھ بھال بھی کی جائیگی سرفراز احمد اور انور علی نے شجر کاری کیلئے اپنے تعاون کا یقین دلایا - اس موقع پر صمد حبیب،نعیم قریشی،محمد طلحہ اور دیگر نے مہمانوں کو شیلڈز پیش کیں۔