بھارتی مسافر طیارہ لاہور کی فضائی حدود میں لاپتہ ہو گیا

فلائٹ ٹراسنپونڈر کی بندش کی وجہ سے بھارتی طیارہ ریڈار سے غائب ہو گیا،

مقدس فاروق اعوان بدھ 17 مارچ 2021 15:19

لاہور (اردو پوائنٹ تازہ ترین اخبار ۔ 17 مارچ 2021ء ) بھارتی مسافر طیارہ لاہور کی فضائی حدود میں لاپتہ ہو گیا۔تفصیلات کے مطابق گذشتہ روز فلائٹ ٹراسنپونڈر کی بندش کی وجہ سے بھارتی مسافر طیارہ لاہور کی فضائی حدود میں داخل ہونے کے بعد ریڈار سے غائب ہو گیا۔

(جاری ہے)

میڈیا رپورٹس کے مطابق ائیر انڈیا ایکسپریس کی فلائٹ 1191 صبح 4 بج کر 45 منٹ پر امرتسر سے دبئی کے لیے روانہ ہوئی اور 15 منٹ بعد لاہور کی فضائی حدود میں داخل ہوئی اور کچھ دیر بعد ہی ریڈار سے غائب ہو گئی۔

بعدازاں لاہور کے ائیرکنٹرولر نے ہاٹ لائن کے ذریعے طیارے سے رابطہ کیا کہ آپ کا فلائٹ ٹرانسپورنڈر بند ہے جس پر طیارے کے پائلٹ نے کہا کہ ٹیکنیکل خرابی کی وجہ سے ریڈار بند ہے تاہم ہم اسے دوبارہ شروع کر رہے ہیں۔کپتان ہاٹ لائن پر رہا جب تک فلائٹ ٹرانسپونڈر دوبارہ شروع نہیں ہوا۔ واضح رہے کہ فلائٹ ٹرانسپونڈر پراواز کے دوران کسی بھی طیارے کے مقام اور اونچائی کی نشاندہی کرتا ہے۔