شاہنواز ڈاہانی اور کارلوس کے درمیان ٹوئٹر پر گفتگو نے مداحوں کے دل جیت لئے

ہفتہ 27 مارچ 2021 14:05

اسلام آباد (اُردو پوائنٹ اخبارتازہ ترین - این این آئی۔ 27 مارچ2021ء) پاکستان سپر لیگ میں ملتان سلطانز کے فاسٹ بالر شاہنواز ڈاھانی اور ویسٹ انڈیز کے کرکٹر کارلوس بریتھویٹ کے درمیان سماجی رابطے کی ویب سائٹ ٹوئٹر پر گفتگو نے مداحوں کے دل جیت لئے ۔

(جاری ہے)

پی ایس ایل میں اپنی فاسٹ بولنگ سے دنیا بھر کی توجہ حاصل کرنے والے فاسٹ بولر شاہنواز ڈاھانی نے ٹوئٹر پر اپنی پروفائل پکچر تبدیل کی جسے ان کے ہزاروں مداحوں نے پسند کیا۔

شاہنواز ڈاھانی کی تصویر نے ویسٹ انڈیز کے کرکٹر کارلوس بریتھویٹ کی توجہ بھی اپنی طرف کرالی اور انہوں نے پاکستانی کرکٹر کو ’اپنا‘ قرار دیا۔جواب میں شاہنواز ڈاھانی نے کارلوس برتھ ویٹ کو پیغام لکھا کہ میں آپ کو یاد کر رہا ہوں۔واضح رہے کہ ملتان سلطانز کی ٹیم میں اس سال شاہنواز ڈاھانی اور کارلوس بریتھویٹ ساتھ تھے اور دونوں وکٹ لینے پر ایک جیسے انداز میں خوشی بھی مناتے تھے۔