ملک بھر کے یوٹیلیٹی اسٹورز پر سے رمضان ریلیف پیکج کا آغاز ہوگیا

یوٹیلیٹی اسٹورز پر 1500 سے زائد مالیت کی اشیاء کی خریداری پر بھی رعایت دی جائے گی

ہفتہ 10 اپریل 2021 13:48

اسلام آباد(اُردو پوائنٹ اخبارتازہ ترین - این این آئی۔ 10 اپریل2021ء)ملک بھر کے یوٹیلیٹی اسٹورز پر سے رمضان ریلیف پیکج کا آغاز ہوگیا۔ترجمان یو ٹیلٹی اسٹورز کارپوریشن کی جانب سے جاری بیان میں بتایا گیا کہ ملک بھر سے 4 ہزار 881 یوٹیلیٹی اسٹورز پر ہفتہ سے رمضان ریلیف پیکج کا آغاز ہوگیا، جس کے تحت عوام الناس کو روزمرہ استعمال کی 19 ضروری اشیاء پر 7 ارب 80 کروڑ روپے کی رعایت دی جائے گی،یوٹیلیٹی اسٹورز پر 1500 سے زائد مالیت کی اشیاء کی خریداری پر بھی رعایت دی جائے گی۔

(جاری ہے)

گزشتہ روز یوٹیلیٹی اسٹورز کے اعلامیے میں بتایا گیا تھا کہ رمضان پیکج کے تحت 20 کلو آٹے کا تھیلا 800 روپے کا ملے گا، چینی 68 روپے فی کلو اور گھی 170 روپے فی کلو کی رعایتی قیمت پر دستیاب ہوگا، چائے کی پتی پر 50 روپے فی کلو رعایت دی جائے گی، جب کہ سفید چنے پر فی کلو 15 روپے، دالوں پر 15 سے 30 روپے فی کلو، کھجوریں فی کلو 20 روپے، چاول پر 10 سے 12 روپے، بیسن پر 20 روپے فی کلو اور مصالحہ جات پر 10 فیصد رعایت دی جائے گی۔

Facebook Twitter Google + Share on Whatsapp

ملک بھر کے یوٹیلیٹی اسٹورز پر سے رمضان ریلیف پیکج کا آغاز ہوگیا

یوٹیلیٹی اسٹورز پر 1500 سے زائد مالیت کی اشیاء کی خریداری پر بھی رعایت دی جائے گی

مزید قومی خبریں