ایمریٹس کی تاریخ ساز پرواز سے متاثرکن ویکسینیشن مہم اجاگر، ایوی ایشن انڈسٹری کی فضائی سفر کی تیاری سامنے آگئی

اس خصوصی پرواز میں شامل تمام افراد بشمول کریو اور مسافر مکمل طور پر ویکسینیٹڈ تھے جو ایوی ایشن انڈسٹری میں فضائی سفر کی ایک نئی مثال ہے۔ اس پرواز سے جہاز میں سوار 400 کے قریب ویکسینیٹڈ صارفین کا فضائی سفر اعتماد اور بھرپور دلچسپی سامنے آتی ہے۔ اس پرواز میں ایمریٹس کی جانب سے ایوی ایشن اور صحت کے شعبوں میں کام کرنے والے اداروں کے اہم حکام کا گروپ مدعو تھا۔

(جاری ہے)

متحدہ عرب امارات دنیا کے ان ممالک میں شامل ہے جہاں اپنے شہریوں اور رہائشی افراد میں ویکسینیشن کی شرح بلند ترین ہے اور 100 افراد میں سے 90.22 کو ڈوز لگ چکی ہیں۔ متحدہ عرب امارات میں صحت کے حکام کی غیرمعمولی کاوش سے ملک بھر میں 9 ملین کے قریب ویکسینز لگوائی جاچکی ہے۔

اس سلسلے میں ایمریٹس گروپ نے تین ماہ سے بھی کم عرصے میں اپنی افرادی قوت کیلئے ویکسینیشن متعارف کرائی اور اس کے بعد سے اب تک اسکے متعدد ویکسینیشن سینٹرز میں ایمریٹس کے 35 ہزار سے زائد ملازمین کو کرونا ویکسینز لگ چکی ہیں۔
یہ پرواز متحدہ عرب امارات کے قومی کیپٹن احمد العبیدی کی زیرنگرانی رہی جبکہ کیپٹن رکی گارالا کو فرسٹ آفیسر رامون ویلڈے اور فلائٹ ڈیک کریو کی معاونت حاصل رہی ۔ اس پرواز سے متعلق دبئی اور متحدہ عرب امارات بھر میں ایوی ایشن اداروں کے حکام ٹوئٹر پر خصوصی پیغامات بھیج رہے تھے۔