Live Updates

وہ ملک جہاں سب سے پہلے رمضان المبارک کا چاند نظر آگیا

آسٹریلیا سمیت برونائی، ترکی، ملائیشیا، مصر، لبنان، یمن، عراق اور تیونیسیا میں ماہ مقدس کے آغاز کا باقاعدہ اعلان کر دیا گیا

muhammad ali محمد علی پیر 12 اپریل 2021 18:50

وہ ملک جہاں سب سے پہلے رمضان المبارک کا چاند نظر آگیا
سڈنی (اُردو پوائنٹ اخبارتازہ ترین۔ 12 اپریل2021ء) وہ ملک جہاں سب سے پہلے رمضان المبارک کا چاند نظر آگیا۔ تفصیلات کے مطابق دنیا بھر میں رمضان المبارک کے آغاز میں اب صرف چند گھنٹے باقی ہیں۔ اب تک 9 ممالک میں رمضان المبارک کا چاند نظر آ چکا، جبکہ خلیجی و عرب اسلامی ممالک میں اگلے چند گھنٹوں کے دوران چاند نظر آ جانے کا امکان ہے۔ پاکستان سمیت بیشتر ایشیائی ممالک میں کل بروز منگل ماہ مبارک کا چاند نظر آنے کا امکان ہے۔

بتایا گیا ہے کہ دنیا میں سب سے پہلے آسٹریلیا اور پھر برونائی میں رمضان المبارک کا چاند نظر آیا۔


اب تک آسٹریلیا سمیت ترکی، ملائیشیا، مصر، لبنان، یمن، عراق برونائی اور تیونیسیا میں چاند نظر آنے کے بعد کل بروز منگل 13 اپریل کو یکم رمضان ہونے کا باقاعدہ اعلان کیا جا چکا۔

(جاری ہے)

دوسری جانب دنیا بھر کے مختلف ممالک میں روزے کے دورانیہ کے حوالے سے بھی ایک رپورٹ جار کی گئی ہے۔ ماہ صیام کی آمد کے ساتھ ہی روزے کے اوقات اور اس کی طوالت و اختصار کے بارے میں بھی رپورٹس سامنے آنا شروع ہو جاتی ہیں۔ بتایا گیا ہے کہ اس بار عرب ممالک میں روزے کا دورانیہ 13 اور 16 گھنٹوں کے درمیان ہو گا۔ اگر روزے کے طویل دورانیے کی بات کی جائے تو فن لینڈ اس اعتبار سے طویل ترین دورانیے والا ملک ہوگا جہاں روزہ داروں کو 23 گھنٹے 5 منٹ کا روزہ رکھنا ہوگا۔

اس کے بعد سویڈن اور ناروے کا نمبر آتا ہے جب کہ روس میں 20 گھنٹے 45 منٹ کا روزہ ہو گا۔سب سے مختصر دورانیہ آسٹریلیا میں ہوگا جہاں روزے کا دورانیہ 11 گھنٹے 59 منٹ ہوگا، ارجنٹائن میں 12 گھنٹے 23 منٹ اور چلی میں 12 گھنٹے 41 منٹ کا روزہ ہو گا۔مغربی عربی کے عرب ممالک میں الجزائر اور تونس میں روزے کا دورانیہ دوسرے عرب ممالک کی نسبت کم ہو گا۔

ان ملکوں میں ماہ صیام کا آغاز 14 گھنٹے 39 منٹ سے ہو گا جب کہ آخری ایام 15 گھنٹے 50 منٹ تک ہو گا۔کیمرون میں روزے کا دورانیہ 13 گھنٹے 12 منٹ اور بعض علاقوں میں 12 گھنٹے 59 منٹ ہوگا۔خلیجی ممالک میں روزے کا دورانیہ نہ تو بہت طویل ہو گا اور نہ ہی کم۔ سعودی عرب میں ماہ صیام کا آغاز 14 گھنٹے کے روزے سے ہوگا اور اختتام 14گھنٹے 42 منٹ سے ہوگا۔ ابوظبی میں 14 گھنٹے دو منٹ اور 14 گھنٹے 44 منٹ کے درمیان ہوگا۔کویت میں 14 گھنٹے 17 منٹ اور 15 گھنٹے 19 منٹ، قطر میں 14 گھنٹے 6 منٹ اور 14 گھنٹے 50 منٹ کے درمیان ہو گا۔
Live رمضان المبارک سے متعلق تازہ ترین معلومات