سرگودھا‘ مسلح حملہ آوروں نے اندھادھند فائرنگ کر کے پولیس تھانیدار کے دو بیٹوں کو موت کے گھاٹ اتار دیا

بدھ 14 اپریل 2021 12:07

سرگودھا(اُردو پوائنٹ اخبارتازہ ترین - این این آئی۔ 14 اپریل2021ء) آتشیں اسلحہ سے مسلح حملہ آوروں نے اندھادھند فائرنگ کر کے پولیس تھانیدار کے دو بیٹوں کو موت کے گھاٹ اتار دیا اور فرار ہو گئے جس کی تاحال کوئی سامنے نہیں آئی پولیس نے مقتولین بھائیوں کی نعشیں پوسٹمارٹم کے لئے ہسپتال منتقل کر کے تفتیش شروع کر دی۔ریجنل پولیس آفیسر سرگودھا نے واقعہ کا نوٹس لیتے ہوئے ڈی پی او سے رپورٹ اور ملزمان کی گرفتاری کا حکم دیدیا۔

زرائع کے مطابق سرگودھا ریجن کے علاقہ بھکر کے گاؤں شہانی عنایت آباد روڈ پر آتشیں اسحلہ سے مسلح حملہ آوروں نے اندھا دھند فائرنگ کر کے پولیس سب انسپکٹر حق نواز اعوان کے دو بیٹوں شفقت عباس اور کریم نواز کو قتل کر دیا اور جائے واردات سے ملزمان فرار ہو گئے تاحال وقوعہ کی کوئی وجہ سامنے نہیں آئی پولیس نے مقتولین دونوں بھائیوں کی نعشیں پوسٹمارٹم کے لئے ہسپتال منتقل کر دی اور جائے واردات سے فرار ہونے والے ملزمان کی تلاش میں علاقہ کی ناکہ بندی کر کے سرچ آپریشن شروع کر دیا گیا اور پولیس کی بھاری نفری طلب کر کے مصروف تفتیش ہے۔

(جاری ہے)

آر پی او سرگودھا اشفاق خان نے واقعہ کا نوٹس لیتے ہوئے ڈی پی او بھکر سے رپورٹ طلب کر لی اور واردات کا فوری مقدمہ درج کر کے ملزمان کی گرفتار اور قانونی کاروائی کا حکم دے دیا۔ار پی او نے مقتولین کے والد پولیس سب انسپکٹر سیاظہار تعزیت کرتے ہوئے پسمندگان کے لئے صبروجمیل کی دعا کی ہے۔