چوتھا ٹی ٹونٹی ، پاکستان کا جنوبی افریقہ کیخلاف ٹاس جیت کر بائولنگ کا فیصلہ

سنچورین (اردو پوائنٹ تازہ ترین اخبار ۔ 16اپریل 2021ء ) چوتھے اور آخری ٹی ٹونٹی میں پاکستان نے جنوبی افریقہ کے خلاف ٹاس جیت کر فیلڈنگ کرنے کا فیصلہ کیا ہے ، میچ پاکستانی وقت کے مطابق شام ساڑھے 5 بجے شروع ہوگا۔ پاکستان کو سیریز میں 1-2 کی ناقابل شکست برتری حاصل ہے۔ پاکستان نے پہلا اور تیسرا جب کہ جنوبی افریقہ کی ٹیم نے دوسرا ٹی 20 میچ جیتا تھا۔

(جاری ہے)

آخری ٹی 20 میچ کے لیے پاکستان کی جانب سے ایک دو تبدیلیاں کی جاسکتی ہیں، آصف علی کی جگہ لیگ سپن باؤلر عثمان قادر کو شامل کئیے جانے کا امکان ہے۔ چوتھے ٹی 20 میچ کے بعد پاکستان کو دورہ جنوبی افریقہ ختم ہوجائے گا جس کے بعد پاکستانی ٹیم زمبابوے کے دورے پر جائے گی ۔پاکستان کی زمبابوے کے ساتھ ٹی 20 اور ٹیسٹ سیریز شیڈول ہے۔ دونوں ٹیموں کے درمیان پہلا ٹی 20میچ 21 اپریل کو ہرارے میں کھیلا جائے گا۔