سعودی عرب، آسٹرازینیکا سے خون میں پھٹکیاں بننے کے 15کیسز کی تصدیق

خون میں پھٹکیاں بننیکی شکایات کا سائنسی، تکنیکی جائزہ لیا جارہاہے، سعودی فوڈاینڈ ڈرگ اتھارٹی

منگل 20 اپریل 2021 15:24

سعودی عرب، آسٹرازینیکا سے خون میں پھٹکیاں بننے کے 15کیسز کی تصدیق

ریاض (اُردو پوائنٹ اخبارتازہ ترین - این این آئی۔ 20 اپریل2021ء) سعودی عرب میں برطانوی کورونا ویکسین آسٹرازینیکا سیخون میں پھٹکیاں بننے کے 15کیسز کی تصدیق ہوگئی۔سعودی میڈیا کے مطابق خون میں پھٹکیاں بننے کے کیسز کی تصدیق سعودی فوڈاینڈ ڈرگ اتھارٹی (ایس ایف ڈی ای)نے کی۔

(جاری ہے)

ایس ایف ڈی اے کا کہنا تھا کہ خون میں پھٹکیاں بننیکی شکایات کا سائنسی، تکنیکی جائزہ لیا جارہاہے، آسٹرازینیکا ویکسین کے ممکنہ خطرات کے مقابلے میں فوائد زیادہ ہیں۔

اس سے قبل ناروے میں آسٹرازینیکا ویکسین لگوانے کے بعد خون میں کلاٹس بننے (خون جمنی)کے نئے کیسز سامنے آنے کے بعد نیدرلینڈز نے برطانوی کورونا ویکسین ایسٹرازینیکا کا استعمال عارضی طور پر روک دیا تھا۔ آسٹرازینیکا کیاستعمال پرخون کی پھٹکیاں بننے کے واقعات کے بعد آئرلینڈ نے ویکیسن کا استعمال روک دیا تھا، ڈنمارک، آئس لینڈ اور اٹلی بھی ویکسین کا استعمال عارضی طور پر روک چکے ہیں۔