شوگر مافیا نے سٹے بازوں اور مل مالکان سے مل کر 110 ارب روپے کمائے، ایف آئی اے کا انکشاف

منگل 20 اپریل 2021 17:30

اسلام آباد (اُردو پوائنٹ اخبارتازہ ترین - این این آئی۔ 20 اپریل2021ء) چینی اسکینڈل میں وفاقی تحقیقاتی ادارے (ایف آئی ای) کی جانب سے عدالت میں جمع کرائے گئے عبوری چالان میں انکشاف کیا گیا ہے کہ شوگر مافیا نے سٹے بازوں اور مل مالکان سے مل کر 110 ارب روپے کمائے۔

(جاری ہے)

وفاقی تحقیقاتی ادارے (ایف آئی ای) کی جانب سے شوگر مافیا کے خلاف چالان جوڈیشل مجسٹریٹ جنوبی کراچیکی عدالت میں جمع کرایا گیا ہے۔ایف آئی اے کے چالان میں کہا گیا کہ ملزمان نے کراچی میں 16واٹس ایپ گروپ بنا رکھے تھے۔چالان میں کہا گیا کہ کراچی اور پنجاب کے سٹے بازوں نے مل کر سٹہ کھیلا، چینی کی قیمتوں میں مسلسل اضافہ کر رہے تھے۔