وزیراعظم عمران خان ،اور فلسطین کے صدر محمود عباس کایورپین مسلم فورم کے افطار ڈنر سے خطاب

  اس موقع پر وزیر اعظم پاکستان عمران خان ،فلسطین کے صدر محمود عباس ،  بوسنیائی مسلمانوں کے رہنما بیکر ایزیدبیگووچ ، سپراوروس اور روس کے لبرل ڈیموکریٹک پارٹی کے رہنماؤں اور  روسی مسلمانوں کے مفتی ، شیخ رواحیل گینتدینوف کے ویڈیو ریکارڈ خطاب بھی شامل تھے۔

  اپنے اپنے خطاب میں عالمی اور روس کے راہنماوں نے کورونا وائرس کی صورتحال اور معشیت کے علاوہ فلسطین کے صدر محمود عباس نے مسئلہ فلسطین جبکہ وزیراعظم عمران خان کے خطاب میں مسئلہ کشمیر اٹھایا گیا۔
 وزیراعظم عمران خان نے کہا کہ کوویڈ 19 کے خلاف دنیا کو متحد ہوکر کردار ادا کرنا ہوگا،  انھوں نے کہا اسلام کے حوالے سے، جہالت پر مبنی بیانات، نفرت، اسلاموفوبیا اور انتہاء پسندی کو فروغ دیں گے۔

انھوں نے کہا کہ لیڈر کی پہچان ہے کہ وہ لوگوں کومتحد کرتا ہے۔ نیلسن منڈیلا نے لوگوں کو تقسیم کرنے کے بجائے متحد کیا۔
انھوں نے یورپین مسلم فورم کو رمضان المبارک کی مبارکباد دی اور نیک خواہشات کا اظہار کیا۔
یورپین مسلم فورم کی جانب سے سوسائٹی کے مختلف اہم نمایندوں کو اعزازی تعریفی اسناد سے نوازا گیا۔
 ریسلنگ فیڈریشن آف داغستان کے سربراہ حیدر حیدروف کو نور فخر میڈل دیا گیا ، یاد رہے یہ میڈل اس سے قبل کے والد اور بیٹے کو دیا جاچکا ہے۔

پاکستان کی طرف سے وزیر اعظم عمران خان کے قریبی دوست سماجی و بزنس شخصیت ڈاکٹر چوہدری کو خصوصی تعریفی اسناد سے دی گئی۔ ڈاکٹر طارق چوہدری کے یورپین مسلم فورم میں بھرپور کردار اور تعاون پر زبردست خراج تحسین پیش کیا گیا۔
اس موقع پر خطاب کرتے ہوئے ڈاکٹر طارق چوہدری نے یورپین مسلم فورم کی سرگرمیوں پر اظہار خیال کرتے ہوئے اسلامک کلچرل سینٹر کے قیام اور بھرپور تعاون کا یقین دلایا۔

طارق چوہدری نے وزیراعظم پاکستان عمران خان کا افطار ڈنر سے ویڈیو خطاب پر شکریہ ادا کیا۔
ماسکو کے سینٹر میں ہونے والے رمضان المبارک میں اس خوبصورت  افطار شام کا اہتمام کرنے پر یورپین مسلم فورم کے صدر  عبدالوحید نیازوف نے ڈاکٹر طارق چوہدری کا شکریہ ادا کیا
جبکہ تاج محل ریسٹورنٹ کے چیف ایگزیکٹو عدنان بٹ کو بھی تعارفی اسناد سے نوازا گیا، عدنان بٹ کے یورپین مسلم فورم کے ساتھ تعاون پر ان کا بھی شکریہ ادا کیا گیا۔