ملکی تاریخ میں بجلی کی قیمتیں بلند ترین سطح پر پہنچنے کا انکشاف

گھریلو صارفین کے لئے فی یونٹ قیمت 31 روپے مقرر کردی گئی

جمعرات 6 مئی 2021 14:06

مکوآنہ (اُردو پوائنٹ اخبارتازہ ترین - این این آئی۔ 06 مئی2021ء) ملکی تاریخ میں بجلی کی قیمتیں بلند ترین سطح پر پہنچنے کا انکشاف، گھریلو صارفین کے لئے فی یونٹ قیمت 31 روپے مقرر کردی گئی۔دستاویزات کے مطابق گھریلو صارفین کے لئے کم سے کم 23 روپے جبکہ زیادہ سے زیادہ 31 روپے فی یونٹ ریٹ مقرر کیا گیا ہے، گھریلو صارفین پانچ کلو واٹ پر 31 روپی57 پیسے فی یونٹ مقرر , گھریلو صارفین کے لئے پانچ کلو واٹ سے زائد لوڈ پیک آورز 31 روپے ستاون پیسے فی یونٹ مقرر جبکہ آف پیک آورز میں مذکورہ لوڈ پر 23 روپے چھتیس پیسے فی یونٹ قیمت مقرر کی گئی ہے۔

دوسری جانب کمرشل پانچ کلو واٹ سے کم لوڈ پر 28 روپے مقرر، پانچ کلو واٹ سے زیادہ لوڈ پر پیک آورز 32 روپے 74 پیسے ، آف پیک آورز پر 24 روپی98 پیسے قیمت مقرر کی گئی ہے۔

(جاری ہے)

جنرل صارفین کے لئے 27 روپے 49 پیسے فی یونٹ قیمت مقرر کی گئی ہے۔صنعتی سیکٹر میں 25 کلو واٹ تک پیک آورز کی قیمت 25 روپے مقرر کی گئی ہے۔ مذکورہ لوڈ پر آف پیک آورز میں فی یونٹ قیمت 21 روپے 93 پیسے مقرر ، پانچ کلو واٹ تک پیک آورز 25 اعشاریہ 18، آف پیک 25 روپے 65 پیسے فی یونٹ مقرر کی گئی ہے۔ پانچ سو سے پانچ ہزار کلو واٹ تک پیک ریٹ 25 اعشاریہ18، آف پیک ریٹ 21 اعشاریہ 54 پیسے مقرر کردی گئی ہے۔واضح رہے کہ تمام صارفین کے لئے مذکورہ فی یونٹ قیمت میں ٹیکسز بھی شامل ہیں۔