فرانسیسی ایلپس میں برفانی تودے گرنے سے سات افراد ہلاک

اتوار 9 مئی 2021 15:15

پیرس (اُردو پوائنٹ اخبارتازہ ترین - این این آئی۔ 09 مئی2021ء) فرانس میں ایلپس کے پہاڑی سلسلے کے علاقے ساووئی میں برفانی تودے گرنے کے دو مختلف واقعات میں کم از کم سات افراد ہلاک ہو گئے۔

(جاری ہے)

غیرملکی خبررساں ادارے کے مطابق یہ دونوں واقعات گزشتہ روز سہ پہر تھوڑے تھوڑے وقفے سے پیش آئے۔ مرنے والے تمام افراد ہائیکرز تھے، جن کی عمریں بیالیس اور اکہتر برس کے درمیان بتائی گئی ہیں۔ فراسن کا یہ علاقہ اٹلی کی سرحد کے قریب ہے اور وہاں گزشتہ ہفتوں کے دوران شدید برف باری کی وجہ سے پہاڑوں سے مزید برفانی تودے گرنے کا خطرہ ہے۔