ْمقبوضہ کشمیر،حریت رہنمائوں کی شہید اشرف صحرائی کے بیٹوں ، رشتہ داروں کی گرفتاری کی مذمت
بھارت کشمیریوں کی جدوجہد کو دبانے کیلئے تمام ہتھکنڈے استعمال کر رہا ہے لیکن مذموم منصوبے میں کبھی کامیاب نہیں ہو گا،تحریک وحدت اسلامی
اتوار 16 مئی 2021 17:50
(جاری ہے)
انہوںنے کہا کہ مقبوضہ علاقے میں ہر آواز خاموش کی جا رہی ہے اور اختلاف رائے کچلا جا رہا ہے ۔ ڈیموکریٹک پولیٹیکل موومنٹ کے چیئرمین خواجہ فردوس نے ایک بیان میں شہید اشرف صحرائی کے بیٹوں کی گرفتاری کی مذمت کرتے ہوئے کہا کہ بھارت اس طرح کے اوچھے ہتھکنڈوں کے ذریعے کشمیریوںکی تحریک آزادی کو دبا نہیں سکتا۔
انہوں نے غیر قانونی طور پر نظر بند تمام حریت رہنمائوں ، کارکنوں اور عام نوجوانوں کی فوری رہائی کا مطالبہ کیا۔جموںوکشمیر ماس موومنٹ کے جنرل سیکرٹری شبیر احمد نے اپنے بیان میں کہا کہ شہید اشرف صحرائی کے بیٹوں سمیت مقبوضہ علاقے میں گرفتاری کی تازہ لہرقابض انتظامیہ کی بوکھلاہٹ کا ثبو ت ہے ۔ انہوںنے کہا کہ بھارت مزاحمتی رہنمائوں اور کارکنوں کی گرفتاری سے تحریک آزادی کشمیر کو ہرگز دبا نہیں سکتا۔ جموںوکشمیر مسلم کانفرنس نے سرینگر میں اپنے بیان میں بھارتی پولیس کی طرف سے اشرف صحرائی شہید کے دو بیٹوں اور دیگر کشمیری نوجوانوں کی گرفتاری کی شدید مذمت کی۔ انہوں نے کہا کہ بھارتی فورسز نے مقبوضہ علاقے میںجبر و استبداد کی تمام حدیں پار کر لی ہیں ۔ا نہوںنے اقوام متحدہ ، اسلامی تعاون تنظیم اور انسانی حقوق کی عالمی تنظیموں سے اپیل کی کہ وہ مسئلہ کشمیر کو اقوام متحدہ کی قرار دادوں اور کشمیریوں کی خواہشات کے مطابق حل کرانے کیلئے کردار ادا کریں۔جموںوکشمیر ایمپلائیز موومنٹ کے ترجمان نے ایک بیان میں مجاہد اشرف اور راشد اشرف سمیت حریت کارکنوں کی گرفتاری کی مذمت کرتے ہوئے کہا کہ بھارت تحریک آزادی کو دبانے کیلئے تمام تر ہتھکنڈے آزما رہاہے لیکن وہ اپنے مذموم منصوبے میں بری طرح سے ناکام ہو گا۔جموںوکشمیر پولیٹیکل ریزسٹنس موومنٹ کے جنر ل سیکرٹری ڈاکٹر مصعب نے ایک بیان میں کل جماعتی حریت کانفرنس کے شہید رہنما محمد اشرف صحرائی کے بیٹوں اور دیگر رشتہ داروں کی گرفتاری کی شدید مذمت کرتے ہوئے کہا کہ مودی حکومت کی یہ غلط فہمی ہے کہ وہ بلا جواز اور غیر قانونی گرفتاریوں کے ذریعے کشمیریوں کے جذبہ آزادی کو دبانے میں کامیاب ہو گی۔ جموںوکشمیر پیپلز فریڈم لیگ کے ترجمان نے سرینگر سے جاری ایک بیان میں شہید اشرف صحرائی کے دو بیٹوں اور درجنوں بے گناہ کشمیری نوجوانوں کی گرفتاری کی شدید مذمت کی ۔ انہوں نے معصوم فلسطینیوں پر اسرائیلی بمباری کی بھی مذمت کرتے ہوئے کہا کہ اقوام متحدہ کی ذمہ داری ہے کہ وہ مقبوضہ کشمیر اور فلسطین میں بھارت اور اسرائیل کی طرف سے جاری جارحانہ کارروائیوں کا سنجیدہ نوٹس لے۔ اسلامی تنظیم آزادی کے چیئرمین عبدالصمد انقلابی نے ایک بیان میں محمد اشرف صحرائی شہید کے بیٹوں کی گرفتاری کی مذمت کرتے ہوئے کہا کہ بھارت اس طرح کے اوچھے ہتھکنڈوں کے ذریعے کشمیریوں کو حق پر مبنی اپنی جدوجہد جاری رکھنے سے ہرگز نہیں روک سکتا۔ تحریک وحدت اسلامی کے ترجمان شاہد علی نے سرینگر سے جاری ایک بیان میں شہید اشرف صحرائی کے دو بیٹوں اور دیگر رشتہ داروں کی گرفتاری کی مذمت کرتے ہوئے کہا کہ بھارت حق پر مبنی کشمیریوں کی جدوجہد کو دبانے کیلئے تمام ہتھکنڈے استعمال کر رہا ہے لیکن وہ اپنے مذموم منصوبے میں کبھی کامیاب نہیں ہو گا۔ انہوںنے کہا کہ کشمیری حق خود ارادیت کے حصول کے لئے اپنی جدوجہد کو ہر قیمت پر جاری رکھیں گے اور بھارت کے آگے کبھی سرنگوں نہیں ہونگے ۔دریں اثنا میر واعظ عمر فاروق کی سربراہی میں قائم حریت فورم کی آزاد جموںوکشمیر شاخ کے کنوینر سید فیض نقشبندی نے اسلام آباد میں جاری ایک بیان میں مجاہد اشرف اور راشد اشرف سمیت بیسیوں کشمیری نوجوانوں کی گرفتاری کی مذمت کرتے ہوئے انکی فوری رہائی کا مطالبہ کیا ۔ انہوں نے کہا کہ مقبوضہ علاقے میں نولاکھ کے قریب بھارتی فورسز اہلکاروں کی تعیناتی سے خطے کے امن وسلامتی کو سنگین خطرات لاحق ہوچکے ہیں ۔ پاسبان حریت جموںوکشمیر کے چیئرمین عزیر احمد غزالی نے مظفرا ٓباد میں ایک بیان میں کہا کہ محمد اشرف صحرائی کے دو بیٹوں اور پچاس سے زائد کشمیری نوجوانوں کی گرفتاری مقبوضہ علاقے میں بھارتی ریاستی دہشت گردی کی بدترین مثال ہے۔مزید کشمیر کی خبریں
-
مودی حکومت نے جموں وکشمیر پیپلزلیگ ، پیپلزفریڈم لیگ پرپابندی عائد کردی، لبریشن فرنٹ پرپابندی میں 5 برس کی توسیع
-
مظفرآباد، میٹرک کی سند میں تاریخ پیدائش تبدیل کرنے کا جرم ثابت ہونے پر ملزم کو پانچ سال قید اورایک لاکھ روپے کی سزا
-
بھدرواہ میں 3.6 شدت کے زلزلے کے جھٹکے
-
کشتواڑ میں 3.4 شدت کا زلزلہ
-
جموں و کشمیرمیں بھارتی اقدامات انسانیت کے خلاف سنگین جرائم ہیں، امریکا میں پاکستانی سفیرکا خطاب
-
پاکستان حق خود ارادیت کے حصول تک کشمیری بہن بھائیوں کی اخلاقی، سیاسی اور سفارتی مدد جاری رکھے گا، انوار الحق کاکڑ
-
کشمیری فنکاروں، شاعروں اور موسیقاروں نے مقبوضہ کشمیر میں بھارتی انسانی حقوق کی خلاف ورزیوں کو اجاگر کرنے میں اہم کردار ادا کیا ہے،مشعال ملک
-
عالم اسلام کو اسلامی تہذیب کی علامتیں مٹانے پر بھارت کا بائیکاٹ کرنا چاہیے ، مشعال ملک
-
گڑھی دوپٹہ سے ملحق علاقے لوگلی کے جنگل میں آگ بھڑک اٹھی
-
میرپورمیں پہلا سافٹ ویئرٹیکنالوجی پارک تکمیل کے آخری مرحلے میں داخل ہو گیا
-
مشعال ملک کا پروفیسر شال کے انتقال پر اظہار تعزیت
-
جنرل اسمبلی میں پاکستا ن کی پیش کردہ قرارداد کی منظوری جموں و کشمیر اور فلسطین کے مکینوں کے لئے امید کی کرن ہے،منیر اکرم
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.