بیرون ملک سے آنے والے مزید 27 مسافروں میں کورونا وائرس کی تصدیق، قرنطینہ کیلئے ہسپتال منتقل

پیر 17 مئی 2021 16:32

پشاور(اُردو پوائنٹ اخبارتازہ ترین - این این آئی۔ 17 مئی2021ء) بیرون ملک سے پاکستان آنے والے 27 مسافر کورونا وائرس میں مبتلا نکلے ، محکمہ صحت نے کورونا متاثرہ مسافروں کو قرنطینہ کیلئے مقامی ہسپتال منتقل کردیا ہے۔

(جاری ہے)

تفصیلات کے مطابق بیرون ملک سے پشاور پہنچنے والے مسافروں میں کورونا کے کیسسز میں اضافہ ریکارڈ کیا جارہا ہے ، شارجہ سے آنے والی پروازپی اے 613 میں 27 مسافر کورونا مثبت نکلے ، ریپڈٹیسٹ کیدوران 27 مسافروں میں کورونا کی تصدیق ہوئی۔نجی ایئرلائن کی پرواز سے 175 مسافر پشاور پہنچے تھے ، جس کے بعد محکمہ صحت نے کورونا متاثرہ مسافروں کو قرنطینہ کیلئے مقامی ہسپتال منتقل کردیا ۔