لاڑکانہ میں پی ٹی آئی سینیٹر سیف اللہ ابڑو کے بھائی کی جانب سے ایکس ای این لاڑکانہ سے ہاتھا پائی اور بدکلامی

صوبائی مشیر ورکس سروسز نثار کھوڑو نیمعاملے کا نوٹس لے لیا

بدھ 19 مئی 2021 20:45

کراچی (اُردو پوائنٹ اخبارتازہ ترین - آن لائن۔ 19 مئی2021ء) صوبائی مشیر ورکس سروسز نثار کھوڑو نے لاڑکانہ میں پی ٹی آئی سینیٹر سیف اللہ ابڑو کے بھائی کی جانب سے ایکس ای این لاڑکانہ سے ہاتھا پائی اور بدکلامی کے معاملے کا نوٹس لے لیا۔ نثار کھوڑو نے سیکریٹری ورکس سروسز عمران عطا سومرو کو لاڑکانہ کے انجنیئر سے ہاتھا پائی اور بدکلامی کرنے والے پی ٹی آئی سنیٹر کے بھائی رحمت ابڑو کے خلاف ایف آئی آر درج کرانے کی ہدایت کردی ہے۔

(جاری ہے)

ترجمان مشیر ورکس سروسز کے مطابق رحمت اللہ ابڑو اپنے بھائی کے بل بوتے پر غنڈہ گردی کے ذریعے سرکاری افسران پر دباؤ ڈالنا چاہتے ہیں۔ پی ٹی آئی سینیٹر کے بھائی رحمت اللہ ابڑو کا انجنیئر سے ہاتھ پائی اور بدکلامی کا عمل سرکار کے کام میں غیر قانونی مداخلت کرنے کے مترادف اور غنڈہ گردی ہے۔ کسی کو غنڈہ گردی اور سرکاری افسران پر دباؤ ڈالنے کی اجازت کسی صورت نہیں دی جائے گی۔افسران میرٹ پر کام کرنے کو ترجیح دیں، غنڈہ گردی کرنے والے کے خلاف قانونی کاروائی عمل میں لائی جائے گی۔#