ایران کے 592 صدارتی امیدواروں میں سے 6امیدواروں پر امریکی پابندیاں
اگر ان 6 امیدواروں میں سے کوئی ایک صدارتی میدان میں کامیابی حاصل کرلیتا ہے تو اس کا مطلب یہ ہے کہ ایران اور مغرب کے درمیان تعلقات مزید کئی سال تک خراب رہیں گے.مغربی مبصرین
میاں محمد ندیم جمعرات 20 مئی 2021 12:42
(جاری ہے)
برطانوی نشریاتی ادارے کے مطابق اگر ان 6 امیدواروں میں سے کوئی ایک صدارتی میدان میں کامیابی حاصل کرلیتا ہے تو اس کا مطلب یہ ہے کہ ایران اور مغرب کے درمیان تعلقات مزید کئی سال تک خراب رہیں گے امریکا اور یورپ کے ساتھ ایران کی کشیدگی مزید بڑھ سکتی ہے. مغربی مبصرین کا کہنا ہے کہ عالمی سزا یافتہ شخص کے ایران میں منصب صدارت پرفائز ہونے سے مستقبل میں ایران کی مذاکراتی طاقت میں اضافہ ہوتا ہے ایسے میں ایران جوہری مذاکرات کے دوران نو منخب صدرتہران پر عائد کی گئی عالمی پابندیوں کو ختم کرنے کے لیے زیادہ دباﺅ ڈال سکتا ہے. ایران کے صدارتی انتخابات میں عالمی سزا یافتہ امیدواروں میں ابراہیم رئیسی کو مرکزی حیثیت حاصل ہے ابراہیم رئیسی 1988 میں ایران میں ولایت فقیہ کے نظام کے مخالفین کو سزائے موت دینے کے لیے تشکیل دی گئی چار رکنی کمیٹی کے رکن تھے اس کمیٹی کو چار رکنی ڈیتھ کمیٹی قرار دیا جاتا ہے جس نے 5 ہزار افراد کے قتل کے پروانے جاری کیے تھے. سال2011 میں امریکا اور یورپی یونین نے ابراہیم رئیسی پر پابندیاںعائد کی تھیں یورپی یونین نے ایران میں انسانی حقوق کی پامالیوں میں ملوث جن 80 افراد کی فہرست جاری کی ان س میں ابراہیم رئیسی سر فہرست ہیں4 اکتوبر 2019 کو امریکا نے ایران کی بلیک لسٹ شخصیات کی فہرست میں ابراہیم رئیسی اور 9 دیگر افراد کوشامل کیا ان پر ایران میں حکومت مخالف مظاہروں کو طاقت کے ذریعے کچلنے میں ملوث ہونے کا الزام عائد کیا گیا تھا جب مظاہرین پر طاقت کا استعمال کیا گیا تو اس وقت ابراہیم رئیسی ایرانی جوڈیشل کونسل کے سربراہ تھے. ایران کے عسکری شعبے سے تعلق رکھنے والے صدارتی امیدواروں میں امریکی پابندیوں کا سامنا کرنے والے رسم قاسمی اہم نام ہے امریکا نے 2013 کو رستم قاسمی کو بلیک لسٹ کیا تھا جب وہ سابق صدر محمود احمدی نژاد کی حکومت میں پٹرولیم کے وزیر تھے رستم قاسمی نہ صرف امریکا کی طرف سے بلیک لسٹ ہیں بلکہ یورپی یونین، سلامتی کونسل اور آسٹریلیا نے نے ان پرپابندیاں عائد کر رکھی ہیں. حسین دھقان سابق فوجی افسر ہیں مگر وہ پہلے بھی ایران میں صدارت کے منصب کے حصول کی کوشش کرتے رہے ہیں میجر جنرل ریٹائرڈ حسین دھقان ایرانی سپریم لیڈر آیت اللہ علی خامنہ ای کے ملٹری انڈسٹری کے شعبے کے مشیر ہیں 4 نومبر 2019 کو امریکی وزارت خزانہ نے 9 ایرانی عہدیداروں پر پابندیاں عائد کرنے کا اعلان کیا تھا جن میں حسین دھقان بھی شامل ہیں اس وقت کی امریکی حکومت نے کہا تھا کہ یہ شخصیات لبنان اور ارجنٹائن میں امریکی مفادات پر ہونے والے حملوں میں بھی ملوث ہیں. ایران کے صدارتی انتخابات کے بلیک لسٹ امیدواروں میں ایران کی سائبر اسپیس کونسل کے سیکرٹری ابو الحسن فیروز آبادی بھی شامل ہیں 23 مئی 2018 کو امریکی وزارت خزانہ نے انٹرنیٹ مانیٹرنگ کی آڑ میں ایران میں پابندیاں عائد کرنے میں ملوث فیروز آبادی کو بلیک لسٹ کردیا تھا امریکا میں موجود فیروزآبادی کے اثاثے منجمد کردیئے گئے خیال رہے کہ ایران کی سائبر اسپیس کونسل ملک میں انٹرنیٹ اور سائبر سے متعلق فیصلوں کی مجاز ہے. 2012 میں امریکا نے ایران کی متعدد شخصیات پرپابندیوں کا اعلان کیا تھا جن میں پانچ شخصیات اور جوہری پروگرام سے متعلق کام کرنے والی 7 کمپنیاں شامل تھیں بلیک لسٹ ہونے والے افراد میں ایک نام فریدون عباسی کا شامل تھا. ایران میں ہونے والے صدارتی انتخابات میں شامل بلیک لسٹ امیدواروں میں عزت اللہ ضرغامی بھی شامل ہیں ضرغامی ایران کے ریڈیو اینڈ ٹیلی ویژن کارپوریشن کے سابق ڈائریکٹر ہیں 2012 میں امریکا نے ان پر پابندیاں عائد کی تھیں اس کے علاوہ یورپی یونین کی ایرانی شخصیات کو بلیک لسٹ کرنے سے متعلق ایک فہرست میں 16 نام شام ہیں جن میں عزت اللہ ضرغامی بھی شامل ہیں.
مزید اہم خبریں
-
آئی ایم ایف سے مذاکرات میں روپے کی قدرمیں بڑی کمی کا امکان نہیں، وزیرخزانہ کا بلوم برگ کوانٹرویو
-
پاکستان برطانیہ کے ساتھ دیرینہ تعلقات کو بہت اہمیت دیتا ہے ، سپیکرقومی اسمبلی کی برطانوی ہائی کمشنر سے ملاقات میں گفتگو
-
سپریم کورٹ و ہائیکورٹس میں ججز کی خالی آسامیاں پرکرنا ترجیح ہے، چیف جسٹس آف پاکستان قاضی فائز عیسیٰ کا لاہور رجسٹری میں سپریم کورٹ بار سے خطاب
-
محسن نقوی کا غیرموثراورزائد المیعاد شناختی کارڈز پرجاری شدہ موبائل سمزکو بند کرنے کا حکم
-
وزیراعظم نے بدرشہبازوڑائچ کو اپنا میڈیا کوآرڈینیٹرمقرر کردیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے، صنعت میں تعاون سے ملک کو عالمی معیشت سے جوڑا جا سکتا ہے، وزیر اطلاعات
-
برطانوی ہائی کمشنرکی مقبول صدیقی سے ملاقات ، تعلیم کے حوالے سے تبادلہ خیال
-
مریم نواز کی سکیورٹی سکواڈ گاڑی کی مبینہ ٹکر سے نوجوان جاں بحق
-
گیس قیمتوں کے تعین کیلئے نیا طریقہ کار متعارف کرانے کا فیصلہ
-
خواہش ہے سپریم کورٹ مکمل ہوجائے،چیف جسٹس قاضی فائز عیسیٰ
-
فیض آباد دھرنا کمیشن، احسن اقبال کے بیان میں نیا انکشاف سامنے آگیا
-
بھارتی انتخابات: نوجوان کیا سوچ رہے ہیں؟
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.