صارفین کو ویلیو ایڈڈ خدمات فعال کرنے کے لئے توثیقی پیغامات بھیج کر رضا مندی حاصل کی جائی:پی ٹی اے

آپریٹروں کو مزید ہدایت کی گئی ہے کہ وہ حکم جاری کرنے کے تین ہفتوں میں رپورٹ جمع کرائیں

پیر 24 مئی 2021 23:21

اسلام آباد (اُردو پوائنٹ اخبارتازہ ترین - آن لائن۔ 24 مئی2021ء) پاکستان ٹیلی کمیونیکیشن اتھارٹی (پی ٹی ای) نے سیلولر موبائل آپریٹروں کو ہدایت کی ہے کہ وہ اپنے صارفین کو ویلیو ایڈڈ خدمات فعال کرنے کے لئے لازمی توثیقی پیغامات بھیجیں تاکہ واضح رضامندی حاصل کی جاسکے۔آپریٹروں کو مزید ہدایت کی گئی ہے کہ وہ حکم جاری کرنے کے تین ہفتوں میں رپورٹ جمع کرائیں۔

(جاری ہے)

پی ٹی اے کو صارفین کی شکایات وصول ہوئی تھیں کہ بعض اوقات موبائل آپریٹرز صارفین کی پیشگی رضامندی کے بغیر تھرڈ پارٹی مواد / گیمز سمیت دیگر ویلیو ایڈڈ خدمات فعال کردیتے ہیں۔پی ٹی اے نے اس طرح کی شکایات کا سنجیدگی سے نوٹس لیا ہے کیونکہ صارفین کی واضح رضامندی کے بغیر کسی ویلیو ایڈڈ خدمات کو فعال کرنا ٹیلی کام کنزیومر پروٹیکشن ریگو لیشنز 2009کی شق (vii) (3) 9کی خلاف ورزی ہے۔توقع ہے کہ اس اقدام سے موبائل صارفین کو بڑی آسانی ہوگی۔ پی ٹی اے پاکستان میں ٹیلی مواصلات خدمات کے صارفین کے مفادات کے تحفظ کے لئے پرعزم ہے۔