محکمہ فشریز کا نایاب مچھلی کی مصنوعی پیدوار کا کامیاب تجربہ

بدھ 2 جون 2021 13:17

مکوآنہ (اُردو پوائنٹ اخبارتازہ ترین - این این آئی۔ 02 جون2021ء) محکمہ فشریز نے مقامی سطح پر پینگیسز مچھلی کی مصنوعی پیدوار کا کامیاب تجربہ کرلیا، بریڈنگ پر 3 سال لگی. محکمہ ماہی پروری تھائی لینڈ سے سالانہ 12 ہزار ٹن مچھلی امپورٹ کرتی ہے، مصنوعی پیدوار سے پینگسسز مچھلی کی قلت کو ختم کیا جا سکے گا.تفصیلات کے مطابق فش فارمنگ کے شعبے میں ایک اہم پیشرفت ہوئی ہے۔

(جاری ہے)

محکمہ فشریز کے ماہرین کی ٹیم نے پاکستان میں پہلی بار پینگیسیز مچھلی کی مصنوعی بریڈنگ کا عمل کامیابی سے مکمل کر لیا۔ پاکستان میں بھی پینگیسیز کی مانگ میں روز بروز اضافہ ہوتا جا رہا ہے۔ لیکن مقامی طور پر اس کا ’’پٴْونگا‘‘ میسر نہیں ہوتا لہذا حکومت ہر سال کثیر رقم خرچ کرکے اس مچھلی کا گوشت اور اس کا پٴْونگا درآمد کرتی رہی ہے۔ محکمہ فشریز نے مصنوعی بریڈنگ کے ذریعے پینگیسیز کا پونگا تیار کرنے کی صلاحیت حاصل کر لی ہے۔ جس سے نہ صرف ہمارے فش فارمر حضرات کو سستے داموں مچھلی میسر آئے گی بلکہ ملک کیلئے قیمتی زرمبادلہ بھی بچایا جا سکے گا۔