نام نہاد جمہوری تماشوں اور مارشل لاز نے لوگوں کو بھوک اور افلاس کے سوا کچھ نہیں دیا‘ سراج الحق
قومی اداروں کی حالت زار سب کے سامنے ہے، ریلوے سمیت ہر انسٹی ٹیوشن اور پبلک یوٹیلیٹی ٹریک سے اتر چکی ہے،امیرجماعت اسلامی
پیر 7 جون 2021 22:59
(جاری ہے)
حکمران اپنے آپ کو سدھاریں اور اس وقت سے ڈریں کہ عوام ان کا گریبان پکڑ لیں،قوم روایتی سیاستدانوں سے تنگ آچکی ہے،عوام کو آئندہ بجٹ میں کسی ریلیف کی توقع نہیں۔
بائیس کروڑ پاکستانیوں پر نئے بجٹ کی صورت میں آئی ایم ایف کی تلوار لٹک رہی ہے، سودی معیشت نے ملک کا ستیاناس کردیا، اشیائے ضروریہ کی قیمتوں میں گزشتہ دو ڈھائی برسوں میں سو فیصد سے زیادہ اضافہ ہوا، پاکستان ایک اسلامی ملک ہے یہاں کے عوام قرآن و سنت کا نظام چاہتے ہیں، نام نہاد جمہوری تماشوں اور مارشل لاز نے لوگوں کو بھوک اور افلاس کے سوا کچھ نہیں دیا۔ ان خیالات کا اظہار انہوں نے سرگودھا میں اسلامی جمعیت طلبہ کے سرگرم رکن قاسم ضیاء کی وفات پر منعقدہ تعزیتی ریفرنس سے خطاب کرتے ہوئے کیا۔ امیر جماعت اسلامی شمالی پنجاب ڈاکٹر طارق سلیم، امیر جماعت اسلامی وسطی پنجاب جاوید قصوری اور دیگر قائدین جماعت بھی ان کے ہمراہ تھے۔ سراج الحق نے ڈہرکی حادثہ میں جاں بحق ہونے والوں کی مغفرت اور زخمیوں کی جلد صحت یابی کی دعا کرتے ہوئے حکمرانوں سے مطالبہ کیا کہ افسوس ناک واقعہ کی اعلیٰ سطحی تحقیقات کرکے عوام کو حقائق سے آگاہ کیا جائے۔ انھوں نے کہا کہ پاکستان ریلویز کبھی ملک کا فخرہوا کرتا تھا۔ آزادی کے بعد پاکستان کے حصہ میں ساڑھے پانچ سو لوکوموٹیوز آئے ۔ ہمارے پاس ایشیا کی سب سے بہترین ورکشاپس تھیں۔ریلوے ٹریک آٹھ ہزار کلومیٹر سے زیادہ تھا جو بڑھنے کی بجائے پچیس تیس فیصد کم ہو چکا ہے۔ ریلویز کا فریٹ سیکٹر، ٹیکنیکل سٹاف اور ہمارے ریلوے سٹیشنز سٹیٹ آف دی آرٹ تھے ، مگر حکمرانوں کی نااہلی کی وجہ سے یہ سب کچھ تباہ ہوگیا۔ گزشتہ چالیس سالوں میں نہ صرف ریلوے کا شعبہ زوال کا شکار ہوا بلکہ دیگر قومی اداروں کا بھی بیڑہ غرق ہوچکا ہے۔ اس سب کا ذمہ دار وہ طبقہ ہے جنہوں نے پارٹیاں بدل بدل کر ملک پر حکومت کی۔ انہوں نے کہا کہ بدقسمتی یہ ہے کہ ہمارے ملک کی پارلیمنٹ میں اکثریت ان لوگوں کی ہے جو یاتو خود جاگیردار اور سرمایہ دار ہیں یا ظالم اشرافیہ کے مفادات کا تحفظ کرنے والے۔ الیکشنز میں دھونس اور دھاندلی سے کامیاب ہوکر قانون ساز اداروں تک پہنچنے والے یہ لوگ گزشتہ دہائیوں سے عوام کے ارمانوں کا خون اور اپنی دولت میں اضافہ کررہے ہیں۔ قوم سے گزارش ہے کہ ان لوگوں کو اچھی طرح پہچان لے اور ان کا مکمل بائیکاٹ کرے۔ نوجوانوں کو ملک میں اسلامی جمہوری انقلاب کے لیے موثر کردار ادا کرنا ہوگا۔ نوجوان ٹیکنالوجی، سائنس اور دین سے متعلق زیادہ سے زیادہ علم حاصل کرنے پر توجہ دیں۔ نوجوان ملک کی قیادت کے لیے آگے بڑھیں۔ ملک کو کرپشن سے پاک کرنے کے لیے عوام جماعت اسلامی کے دست وبازو بنیں۔مزید اہم خبریں
-
طویل عرصے بعد پی ٹی آئی لاہور اور پنجاب کے دیگر شہروں میں جلسے کرنے میں کامیاب
-
گندم کٹائی مہم کا افتتاح، مریم نواز نے گندم کی کچی فصل ہی کاٹ دی
-
اپوزیشن کا آصفہ بھٹو کی حلف برداری پر شور شرابے سے لگتا یہ ایک نہتی لڑکی سے خوفزدہ ہیں
-
وزیراعظم کی افغان ٹرانزٹ ٹریڈ کی آڑ میں اسمگلنگ میں ملوث افسران کو عہدے سے فوراً ہٹانے اور محکمانہ کارروائی کرنے کی ہدایت
-
امارات میں ایئرپورٹ پر پھنسے بیشتر مسافر وطن واپس پہنچ گئے، خواجہ آصف
-
عالمی مالیاتی اداروں کے حکام کا پاکستان کو آئی ایم ایف کا مختصر مدت کا پروگرام لینے کا مشورہ
-
عوام سے درخواست ہے کہ 21اپریل کو پی ٹی آئی امیدواروں کو ووٹ کاسٹ کریں
-
سعودی کمپنیوں کو تربیت یافتہ آئی ٹی ماہرین بھیجنے کے خواہاں ہیں،وزیر اعلیٰ مریم نواز سے ڈیجیٹل کوآپریشن آرگنائزیشن کے وفد کی ملاقات
-
وفاقی وزیر پٹرولیم ڈاکٹر مصدق ملک کی اماراتی سفیر حمد عبید الزعابی سے ملاقات ،باہمی دلچسپی کے امور پر گفتگو
-
صدرزرداری نے ساتویں بارپارلیمنٹ سے خطاب کرکے تاریخ رقم کی
-
سپیکر قومی اسمبلی نے ایوان میں باجا بجانے اور شور کرنے پر جمشید دستی اور اقبال خان کی رکنیت معطل کردی
-
اسٹیبلشمنٹ کو عمران خان سے بات کرنا ہوگی لیکن فی الحال کہیں برف نہیں پگھلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.