قومی اسمبلی ،وزراء آمنے سامنے آگئے ،شاہ محمود قریشی کے بیان پر شیریں مزاری نے وزیر خارجہ کو آڑے ہاتھوں لیا

بدھ 9 جون 2021 00:08

اسلام آباد (اُردو پوائنٹ اخبارتازہ ترین - این این آئی۔ 08 جون2021ء) قومی اسمبلی کے اجلاس میں وفاقی وزراء آمنے سامنے آگئے ،وزیر خارجہ شاہ محمود قریشی کے بیان پر شیریں مزاری نے وزیر خارجہ کو آڑے ہاتھوں لیا۔ منگلکو قومی اسمبلی کا اجلاس اسپیکر اسد قیصر کی صدارت میں ہوا۔کینیڈا واقعہ پر پالیسی بیان دیتے ہوئے وزیر خارجہ شاہ محمود قریشی نے کہا کہ انہوں نے اس سلسلے میں معلومات حاصل کرلی ہیں۔

(جاری ہے)

وزیر خارجہ نے کہا کہ پاکستان توقع رکھتا ہے کہ نیوزی لینڈ کی وزیراعظم کی طرح کینیڈا کے وزیراعظم بھی ایسا ہی رد عمل دیں گیوزیر خارجہ کی تقریر کے بعد وفاقی وزیر شیریں مزاری جذباتی ہوگئیں اور کہا کینیڈا میں جو واقعہ ہوا وہ دہشت گردی ہے،آپ کیوں کہہ رہے ہیں کہ یہ نفرت انگیز جرم ہے،آپ کیوں ڈرتے ہیں۔ اجلاس میں سید جاوید حسنین ، جے یو آئی کے زاہد اکرم درانی اور امجد علی خان نیازی کے دستور کے آرٹیکلز میں مختلف ترامیم کے بل پیش کیئے گئے جو متعلقہ قائمہ کمیٹیوں کو بھیج دیئے گئے،بعد ازاں اجلاس جمعرات کی سہہ پہر چار بجے تک ملتوی کردیا گیا