ْ4جولائی کو پی ڈی ایم کے زیر اہتمام تاریخ ساز جلسہ تاریخ رقم کریگا،سینیٹر مولانا عبدالغفورحیدری

نااہل حکمرانوں سے چھٹکارے کیلئے مولانا فضل الرحمن آخری امید ہے ،رہنماء جے یو آئی

جمعرات 10 جون 2021 15:44

ْ4جولائی کو پی ڈی ایم کے زیر اہتمام تاریخ ساز جلسہ تاریخ رقم کریگا،سینیٹر ..

کوئٹہ(اُردو پوائنٹ اخبارتازہ ترین - این این آئی۔ 10 جون2021ء) جمعیت علماء اسلام کے مرکزی سیکرٹری جنرل سینیٹر مولانا عبدالغفورحیدری نے کہا ہے کہ 4جولائی کو پی ڈی ایم کے زیر اہتمام تاریخ ساز جلسہ تاریخ رقم کریگی نااہل حکمرانوں سے چھٹکارے کیلئے مولانا فضل الرحمن آخری امید ہے ،موجودہ بجٹ بھی آئی ایم ایف نے بنایا ہے وزیر خزانہ صرف پڑھ کر سنائیں گے۔

(جاری ہے)

ان خیالات کا اظہار جمعیت علماء اسلام کے مرکزی سیکرٹری جنرل سینیٹر مولانا عبدالغفورحیدری نے مختلف وفود سے ملاقات میں گفتگو کرتے ہوئے کیا۔انہوں نے کہا کہ پی ڈی ایم سوات کی سرزمین پر تاریخ ساز جلسہ منعقد کریگی اس وقت پوری قوم کی امیدیں مولانا فضل الرحمن سے وابستہ ہے انہوں نے کہا کہ بجٹ آئی ایم ایف سے بن کر آیا ہے غریب عوام کے لئے بجٹ میں کچھ نہیں رکھا گیا صرف کاغذ کا گورکھ دھندہ ہے۔مولانا عبدالغفورحیدری نے کہا کہ ملک انتہائی نازک دور سے گزر رہا ہے ضروری ہے کہ سیاسی جماعتیں ملک کو بحرانوں سے نکالنے کیلئے یکجا ہوں۔