آرمی چیف جنرل قمر جاوید باجوہ کی سیالکوٹ اور کوٹلی کے دورے کے دور ان مستقبل کے چیلنجز کے پیش نظر مختلف جوابی اقدامات کی مشقوں کی تعریف

حقیقی اور مستقبل کو دیکھتے ہوئے تربیت میں بہتری اہم عنصر ہے،ہر خطرے سے نمٹنے کیلئے آپریشنل تیاریاں جارعی رہنی چاہیے

ہفتہ 12 جون 2021 14:25

آرمی چیف جنرل قمر جاوید باجوہ کی سیالکوٹ اور کوٹلی کے دورے کے دور ان ..

راولپنڈی(اُردو پوائنٹ اخبارتازہ ترین - این این آئی۔ 12 جون2021ء) آرمی چیف جنرل قمر جاوید باجوہ نے سیالکوٹ اور کوٹلی کے دورے کے دور ان مستقبل کے چیلنجز کے پیش نظر مختلف جوابی اقدامات کی مشقوں کی تعریف کرتے ہوئے کہا ہے کہ حقیقی اور مستقبل کو دیکھتے ہوئے تربیت میں بہتری اہم عنصر ہے،ہر خطرے سے نمٹنے کیلئے آپریشنل تیاریاں جارعی رہنی چاہیے۔

آئی ایس پی آر کے مطابق آرمی چیف جنر ل قمر جاوید نے کوٹلی کے قریب کور کی سطح کی تسخیر جبل فوجی مشقوں کا مشاہدہ کیا۔

(جاری ہے)

آئی ایس پی آر کے مطابق آرمی چیف کو فارمیشن کی آپریشنل تیاریوں میں اضافے کے بارے میں آگاہ کیاگیاجبکہ آرمی چیف کو مختلف دفاعی اور جارحانہ حکمت عملی کے پہلووں پر بھی بریفنگ دی گئی۔ آئی ایس پی آر کے مطابق آرمی چیف سے مشقوں میں حصہ لینے والے جوانوں کی ملاقات،عظم و حوصلے کو سراہا۔

آرمی چیف نے جوانوں کی پیشہ ورانہ مہارتوں کی تعریف کی اور کہاکہ حقیقی اور مستقبل کو دیکھتے ہوئے تربیت میں بہتری اہم عنصر ہے،ہر خطرے سے نمٹنے کیلئے آپریشنل تیاریاں جارعی رہنی چاہئے۔کوٹلی پہنچنے پر کور کمانڈر لیفٹننٹ جنرل اظہر عباس نے آرمی چیف کا استقبال کیا۔