’کوکا کولا نہیں پانی پیو‘، کرسٹیانو رونالڈو کا پیغام

فٹبالر نے پریس کانفرس سے قبل سامنے پڑی کوکا کولا کی بوتلیں اٹھا کر سائیڈ پر رکھی اور پانی کی بوتل میڈیا کو دکھا کر بولا کہ ’پانی پیو‘

ذیشان مہتاب منگل 15 جون 2021 17:50

’کوکا کولا نہیں پانی پیو‘، کرسٹیانو رونالڈو کا پیغام

لندن (اردو پوائنٹ تازہ ترین اخبار ۔ 15 جون 2021ء ) پرتگال کے عالمی شہرت یافتہ فٹ بالر کرسٹیانو رونالڈو نے مقبول سافٹ ڈرنک ’کوکا کولا‘ کی جگہ پانی پینے کا پیغام دے دیا۔ 36 سالہ کرسٹیانو رونالڈو ایک پریس کانفرنس سے خطاب کرنے آئے تو انہوں نے اپنے سامنے پڑیں کوکا کولا کی بوتلیں اٹھا کر سائیڈ پر رکھ دیں اور پانی کی بوتل میڈیا کو دکھا کر بولا کہ ’پانی پیو‘۔

(جاری ہے)

فٹ بالر کی ویڈیو کلپ سوشل میڈیا پر وائرل ہوگئی ۔ پریس کانفرنس کے دوران کرسٹیانو رونالڈو نے سامنے بیٹھے صحافیوں کو دیکھتے ہوئے پانی کی بوتل تھام کر جوش کا اظہار کیا۔ یاد رہے کہ کوکا کولا یورو 2020ء کا سپانسر ہے۔