سینیٹر شیری رحمان کی پیٹرول قیمتوں میں 2روپے 13 پیسے اضافے کی مذمت

حکومت آئی ایم ایف کیساتھ قیمتیں بڑھانے کی خفیہ ڈیل کر چکی ہے، تیل کی قیمتوں میں اضافے سے شدید مہنگائی ہوگی، شیری رحمن

بدھ 16 جون 2021 13:18

سینیٹر شیری رحمان کی پیٹرول قیمتوں میں 2روپے 13 پیسے اضافے کی مذمت

اسلام آباد (اُردو پوائنٹ اخبارتازہ ترین - این این آئی۔ 16 جون2021ء) نائب صدر پیپلز پارٹی سینیٹر شیری رحمان نے پیٹرول قیمتوں میں 2روپے 13 پیسے اضافے کی مذمت کرتے ہوئے کہا ہے کہ بجٹ کے دوران پیٹرول کی قیمت میں 2 روپے 13 پیسے اضافے کا جواز نہیں بنتا۔ اپنے بیان میں انہوںنے کہاکہ ابھی بجٹ پاس نہیں ہوا اور منی بجٹ آنا شروع ہو گئے ہیں، بجٹ کے دوران پیٹرول کی قیمت میں 2 روپے 13 پیسے اضافے کا جواز نہیں بنتا۔

(جاری ہے)

انہوںنے کہاکہ حکومت آئی ایم ایف کے ساتھ قیمتیں بڑھانے کی خفیہ ڈیل کر چکی ہے، تیل کی قیمتوں میں اضافے سے شدید مہنگائی ہوگی۔ انہوںنے کہاکہ گردشی قرضوں کو پورا کرنے کے لئے حکومت کے پاس کوئی اور پلان موجود نہیں۔ انہوںنے کہاکہ گردشی قرضہ بڑھنے کی وجہ سے قیمتوں میں اضافہ کیا جا رہا ہے، صرف قیمتیں بڑھانا ہی حکومت کی واحد حکمت عملی ہے۔ انہوںنے کہاکہ عوام پہلے ہی مہنگائی کی چکی میں پس رہی ہے، تباہی سرکار نے تیل کی قیمتوں میں اضافہ کر کے اپنے بیان سے یو ٹرن لیا ہے