وزیراعظم کی ہدایت پر ایوان میں آپریشن ہوا ،مسلم لیگ (ن)نے قومی اسمبلی میں ہلڑ بازی کا الزام وزیراعظم پر لگادیا
کسی کے خلاف کوئی کارروائی نہیں ہوگی، جن وزراء نے اسپیکر کے سامنے ننگی گالیاں دیں وہی الیکشن چوری کرکے ایوان میں آئے ،اسپیکر کو مستعفی ہوجانا چاہیے ،شہبازشریف کے خلاف انتقامی کارروائیاں جاری ہیں ،ایف آئی اے کا ایک نوٹس جاری کیا گیا ہے، ان خیالات کا اظہار مسلم لیگ (ن )کے رہنمائوں شاہد خاقان عباسی اور احسن اقبال نے رانا ثناء اللہ ودیگر کے ہمراہ پریس کانفرنس سے خطاب کرتے ہوئے کیا
بدھ 16 جون 2021 16:10
(جاری ہے)
شاہد خاقان عباسی ین کہاکہ اپوزیشن کو پارلیمنٹ میں بولنے کا موقع نہیں دیا جارہا ہے ،پارلیمنٹ میں عوام کی بات نہیں کی جاسکتی ،جس طرح وزراء نے گالیاں بکیں اس کی مثال نہیں ملتی ،اپوزیشن کو بولنے سے روکنے کی کوشش کی گئی،آج سپیکر کی بات سننے والا کوئی نہیں۔
انہوںنے کہاکہ شہباز شریف پر ہرقسم کے مقدمات بنانے کی کوشش کی گئی ،تین ماہ سے نیب کسی نہ کسی طرح کیس بنانے کی کوشش کررہا ہے۔شاہد خاقان عباسی نے کہاکہ میاں شہباز شریف کو ایف آئی لاہور نے طلب کیا ہے ،اپوزیشن لیڈر شہباز شریف کو عوام کی بات کرنے سے روکا جارہا ہے ۔ انہوںنے کہاکہ شہباز شریف کا شوگر کی قیمتوں سے کیا تعلق ،یہ وہی ٹیم ہے جس نے جہانگیر ترین کو کلین چٹ دی۔ انہوںنے کہاکہ ایف آئی کا نوٹس پندرہ جون کو ملا ،شوگر کمیٹی حرکت میں آئی اور بائیس جون کو طلب کرلیا ،بجٹ سیشن کے دوران ایف آئی اے نے شہباز شریف کو طلب کرلیا ہے ، انہوںنے کہاکہ لاہور ہائیکورٹ نے کہاہے کہ شہباز شریف پر کوئی الزام نہیں ہے ،شہباز شریف پر کوئی الزام نہیں ہے کہ انہوں نے غیر قانونی اثاثے بنایے ہوں۔ انہوںنے کہاکہ شہبازشریف کے نوٹس میں لکھا ہے آپ نے 2000 سے 2018 تک منی لانڈرنگ کی،اس دوران 9 سال شہبازشریف ملک میں ہی نہیں تھے،چیئرمین نیب اور ڈی جی نیب سے گزارش کرتا ہوں کہ منی لانڈرنگ کا قانون کیا ہی ذرا اس کو پڑھ لیں،لاہور ہائیکورٹ کہتی ہے شہباز شریف کی کوئی ٹرانزیکشن ہی نہیں ہوئی،لاہور ہائیکورٹ کے سامنے نیب نے اعتراف کیا کہ شہبازشریف کے حوالے سے ہمارے پاس کوئی الزام نہیں۔ انہوںنے کہاکہ شہباز شریف سے کہا گیا کہ جو اثاثے ظاہر نہیں کیے وہ بتاؤ،جس اپوزیشن لیڈر کو بات کرنے کا موقع نہ ملے اور اسے ایف آئی اے نوٹس دلاوا دو۔ ایک سوال پر انہوںنے کہاکہ اپوزیشن بکھری ہوئی نہیں ہے ،اپوزیشن کے پاس نہ کوئی اسلحہ ہے ،ہمارا کام حکومتی ناکامیوں کو عوام کے سامنے رکھنا ہے ۔ انہوںنے کہاکہ کتابیں مارنے اور گالیاں دینے صرف وہی لوگ ہیں جو دھاندلی نہ ہوتی تو اسمبلی میں نہ پہنچ پاتے،سپیکر نے جو کارروائی کرنی ہے ان کو پتہ ہے ،سپیکر کارروائی بے گناہ لوگوں کے خلاف گے ۔ انہوںنے کہاکہ ملیکہ بخاری کو ان کے اپنے ساتھیوں نے کتاب مار کر زخمی کیا ہے ،زرتاج گل کا بھی سنا وہ بھی زخمی ہوئی ہیں ،اگر زخمی ہوئی ہیں تو اس کی مذمت کرتے ہیں۔ انہوںنے کہاکہ جو کچھ قومی اسمبلی میں ہوا ہم اس پر شرمندہ ہیں۔ انہوںنے کہاکہ جو کابینہ یہ بحث کرے کہ اپوزیشن لیڈر کو کیسے گالیاں نکالنی ہیں ،جو پارٹی لیڈر کی سوچ ہوتی اسی طرح ہوتا ہے ،پہلے یہ معلوم کریں کہ الیکشن چوری کرکے ان کو لایا کون ہے ،جو آدمی کتابیں مار رہا تھا وہ کسطرح الیکٹ ہوا۔احسن اقبال نے کہاکہ سپیکر کی بھی طلبی ہوئی ہے کہ اجلاس کیوں برخاست کیا ،اسپیکر وزیراعظم کو صفائی دینے گئے ہیں ،واقعے کی نگرانی عمران نیازی نے خود کی تھی۔مزید اہم خبریں
-
وزیر اعظم کے دورہ سعودی عرب کا امکان
-
بحیرہ احمر میں جبوتی کے ساحل کے قریب 77 افراد کو لے جانے والی کشتی الٹ گئی 23 افراد ہلاک جبکہ21 لاپتہ ہیں.اقوام متحدہ
-
ایرانی صدر ابراہیم رئیسی کے دورہ پاکستان کے دوران پاک ایران گیس پائپ لائن کا تذکرہ سامنے نہیں آسکا
-
نواز شریف نے قمر باجوہ کو مدت ملازمت میں دوسری توسیع کی یقین دہانی کرائی تھی
-
حکومت کے معاشی اشاریوں میں بہتری کے دعوﺅں میں کتنی حقیقت ہے؟ماہانہ اعداد و شمار کو بنیاد بناکرنہیں کہا جا سکتا کہ بہتری آچکی ہے.معاشی ماہرین
-
صدر زرداری سے ائیر ایشیا ایوی ایشن گروپ کی ملاقات
-
عدالت نے علیمہ خان کی عبوری ضمانت کی درخواست منظور کرلی
-
سعودیہ سے دیر آنے والی خاتون 22 سالہ نوجوان کے ساتھ لاپتا، تلاش شروع
-
ایرانی صدر کا دورہ کراچی، (کل) صبح 8 بجے تک موبائل سروس معطل رہے گی
-
کم سے کم اجرت 32000 ہے ، عمل نہ کرنے والے اداروں کے خلاف کارروائی کی جائیگی ، وزیرخزانہ
-
مجھے مسلم لیگ ن سے کیوں نکالا گیا؟ اس کی وجہ شہباز شریف پسند نہیں کرتے تھے
-
اٹک ریفائنری بند ہونے کے دہانے پر
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.