پنجاب یونیورسٹی اور نیشنل ڈیفنس یونیورسٹی کے باہمی تعاون کے فروغ کے لئے معاہدہ

بدھ 16 جون 2021 20:35

لاہور (اُردو پوائنٹ اخبارتازہ ترین - این این آئی۔ 16 جون2021ء) پنجاب یونیورسٹی اور نیشنل ڈیفنس یونیورسٹی کے مابین مفاہمتی یاداشت پر دستخطوں کے لئے وائس چانسلر آفس میں تقریب کا انعقاد ہو ۔تقریب میں وائس چانسلر ڈاکٹر نیاز احمد، ڈپٹی پریذیڈنٹ نیشنل ڈیفنس یونیورسٹی رئیر ایڈمرل سید زین ذوالفقار، پرو وائس چانسلر ڈاکٹر سلیم مظہر، فیکلٹیوں کے ڈینز،نیشنل ڈیفنس یونیورسٹی کے رجسٹرار لیفٹننٹ کرنل ریٹائرڈ محمد حفیظ ، ڈین فیکلٹی آف کنٹمپرری سائنس ڈاکٹر لبنی عابد علی،ہیڈ آف انٹرنیشنل ریلیشنزڈیپارٹمنٹ ڈاکٹر خرم اقبال و دیگر عہدیداران نے شرکت کی ۔

تقریب سے خطاب کرتے ہوئے وائس چانسلر ڈاکٹر نیاز احمدنے کہا کہ دونوں یونیورسٹیاں مشترکہ تحقیقاتی منصوبوں ، مشترکہ سیمینار اور کانفرنسز کا انعقاد کریں گی۔

(جاری ہے)

انہوں نے کہا کہ دونوں یونیورسٹیاں متعلقہ شعبوں میں فیکلٹی ایکسچینج پروگرام کو فروغ دیں گی اوردونوں یونیورسٹیوں کے طلباء سمر سکولز میں شرکت کریں گے انہوں نے کہا کہ کوشش کر رہے ہیں کہ ملکی ترقی، عوامی مسائل کے حل میں یونیورسٹیاں کردار ادا کریں۔

انہوں نے کہا کہ نیشنل ڈیفنس یونیورسٹی کی ہر شعبے میں ہر ممکن مدد کریں گے ۔تقریب سے خطاب کرتے ہوئے ر ئیر ایڈمرل سید زین ذوالفقار نے کہا کہ پنجاب یونیورسٹی اور نیشنل ڈیفنس یونیورسٹی ایک دوسرے کے وسائل سے استفادہ کریں گی انہوں نے کہا کہ پنجاب یونیورسٹی کے سرسبز و شاداب کیمپس کو دیکھنے کی خواہش تھی۔ انہوں نے کہا کہ پنجاب یونیورسٹی شاندار روایات کا حامل ایک عظیم الشان ادارہ ہے ہم پنجاب یونیورسٹی کے تجربات و تحقیق سے استفادہ کرنا چاہتے ہیں۔

Facebook Twitter Google + Share on Whatsapp

پنجاب یونیورسٹی اور نیشنل ڈیفنس یونیورسٹی کے باہمی تعاون کے فروغ کے لئے معاہدہ

متعلقہ عنوان :

مزید تعلیم کی خبریں