پنجاب حکومت کی طرف سے کسانوں کو ٹارگٹ سبسڈی کی فراہمی کے لئے کسان کارڈز کا اجراء شروع ہو گیا ہے

کارڈز کی تقسیم کے لئے ایک خصوصی تقریب ڈپٹی ڈائریکٹر محکمہ زراعت کے دفتر میں منعقد ہوئی جس میں تحریک انصاف کے صدر ویلفیئر ونگ عمران احمد غزالی مہمان خصوصی تھے

عبدالوہاب خالد جمعرات 17 جون 2021 15:51

ساہیوال (اُردو پوائنٹ اخبارتازہ ترین۔ 17 جون2021ء) پنجاب حکومت کی طرف سے کسانوں کو ٹارگٹ سبسڈی کی فراہمی کے لئے کسان کارڈز کا اجراء شروع ہو گیا ہے۔ کارڈز کی تقسیم کے لئے ایک خصوصی تقریب ڈپٹی ڈائریکٹر محکمہ زراعت کے دفتر میں منعقد ہوئی جس میں تحریک انصاف کے صدر ویلفیئر ونگ عمران احمد غزالی مہمان خصوصی تھے۔ تقریب میں ڈائریکٹر زراعت شاہد حسین اور ڈپٹی ڈائریکٹر رانا حبیب الرحمن نے کسان کارڈ کی افادیت اور اسکے استعمال کے طریقہ کار کے بارے میں تفصیلی بریفنگ دی۔

(جاری ہے)

انہوں نے بتایا کہ کسان کارڈز کے اجراء کا مقصد زمینداروں کو ٹارگٹڈ سبسڈی فراہم کرنا ہے تاکہ انہیں ذیادہ سے ذیادہ فائدہ حاصل ہو سکے۔انہوں نے بتایا کہ ضلع ساہیوال میں 12200زمینداروں کو کسان کارڈ دیئے جائیں گے جن میں سے اب تک 722کارڈ وصول ہو چکے ہیں۔ انہوں نے کسانوں پر زور دیا کہ وہ کارڈز کے حصول کے لئے محکمہ زراعت سے رجسٹریشن ضرور کروائیں کیونکہ رجسٹریشن کے بغیر کسی کسان کو کارڈ جاری نہیں کیا جائے گا۔ تقریب کے اختتام پر رجسٹرڈ کئے گئے کسانوں میں کارڈز بھی تقسیم کئے گئے۔