حکومت نے متنازعہ الیکشن ترامیم متعارف کرا کے دراصل اگلے انتخابات میں دھاندلی کا منصوبہ بنایا ہے،سراج الحق
شفاف الیکشن کیلئے تمام سیاسی جماعتوں کو مشاورت میں لے کر قوانین متعارف کروائے جائیں، ،امیر جماعت اسلامی
جمعہ 18 جون 2021 22:12
(جاری ہے)
مدینہ کی ریاست میں سود ختم کیا گیا تھا، مگر ہمارے حکمران اس ریاست کا نام لے کرسود کو بڑھاوا دے رہے ہیں۔
وزیراعظم نے ابھی تک قوم سے کیا ہوا ایک وعدہ بھی پورا نہیں کیا۔ ایک کروڑ نوکریاں دینے کا دعوی کیا گیا، مگر ڈھائی کروڑ نوجوان بے روزگار ہو گئے۔ کشمیریوں کے سفیر ہونے کا اعلان کیا، مگر مسئلہ مکمل طور پر سرد خانہ میں ڈال دیا۔ تینوں بڑی پارٹیاں آئی ایم ایف کی ایجنٹ ہیں۔ ہر کسی نے اپنے دور میں عالمی مالیاتی اداروں سے قرض لیا اور عوام کو تکلیفیں دیں۔ قوم سے اپیل کرتا ہوں کرپشن فری پاکستان کے لیے اور اللہ کے دین کی سربلندی کے لیے جماعت اسلامی کا ساتھ دے۔ ان خیالات کا اظہار انھوں نے فیصل آباد میں صحافیوں سے گفتگو کرتے ہوئے کیا۔امیر جماعت اسلامی مرکزی اور صوبائی قائدین کے ہمراہ فیصل آباد کے تین روزہ دورے پر ہیں۔ پریس کانفرنس سے قبل انھوں نے نورانی مسجد ڈی گرانڈ میں خطبہ جمعہ دیا اور بعدازاں الخدمت کرونا ٹیسٹ لیب کا افتتاح کیا۔ نائب امیر جماعت اسلامی میاں محمد اسلم، امیر جماعت اسلامی وسطی پنجاب جاوید قصوری، امیر جماعت اسلامی فیصل آباد محبوب الزماں بٹ، الخدمت پاکستان کے صدر عبدالشکور اور سابق امیر فیصل آباد انجینئر عظیم رندھاوا بھی ان کے ہمراہ تھے۔ امیرجماعت اور دیگر قائدین اپنے دورہ کے دوران فیصل آباد کے تاجروں، وکیلوں، طالب علموں، علما کرام اور دیگر طبقہ ہائے فکر کے لوگوں سے ملاقاتیں کریں گے اور شہر کے مسائل سے متعلق بریفنگ لیں گے۔ صحافیوں سے گفتگو کرتے ہوئے سراج الحق نے اس عہدکا اعادہ کیا کہ جماعت اسلامی ماضی کی طرح عوامی مسائل کے حل کے لیے چوکوں، چوراہوں اور ایوانوں میں جدوجہد جاری رکھے گی۔ ان کا کہنا تھا کہ ملک کے مسائل کا واحد حل قرآن و سنت کے نظام کے نفاد میں ہے جس کے لیے جماعت اسلامی کو پاکستان کے عوام کی بھرپور مدد درکار ہے۔ انھوں نے کہا کہ ملک پر قرضوں کا کوہ ہمالیہ لدا ہوا ہے۔ عام آدمی کے مسائل جب کہ بنی گالہ میں بیٹھے لوگوں کے وسائل میں اضافہ ہو رہا ہے۔ پی ٹی آئی حکومت کے گزشتہ تین برسوں میں ملک میں غربت بڑھی اور مہنگائی اور بے روزگاری کا طوفان آیا۔انھوں نے کہا کہ ملک کو اللہ تعالی نے بے شمار وسائل سے نوازا ہے۔ پاکستان گندم، گنا، دودھ اور لائیوسٹاک کا مرکز ہے، مگر ملک کا کسان بدحال ہے۔ اس میں کوئی شک نہیں کہ عوام کے پرابلمز کا ذمہ دار وہ طبقہ ہے جو حکمرانوں کی شکل میں ملک پر قابض ہے۔ کشمیر کے مسئلہ پر گفتگو کرتے ہوئے امیر جماعت کا کہنا تھا کہ موجودہ حکومت نے کشمیر کاز کو نقصان پہنچا یا۔ بھارت مقبوضہ علاقے میں ہندوں کی آبادکاری کررہا ہے جو اسی رفتار میں جاری رہی تو اگلے دس سال میں کشمیر میں مسلم اکثریت اقلیت میں بدل جائے گی۔ ایک سوال کے جوا ب میں انھوں نے کہا کہ حکومتیں بنانے اور گرانے کا کام عوام کا ہے۔ اسٹیبلشمنٹ کو ملک کی سیکیورٹی پر توجہ دینی چاہیے اور مقبوضہ کشمیر کو بھارت سے آزاد کرانا چاہیے۔ انھوں نے کہا کہ سیاست دانوں کو بھی اسٹیبلشمنٹ کو سیاسی معاملات میں گھسیٹنے سے گریز کرنا چاہیے۔ تمام ادارے اپنی حدود میں رہ کام کریں۔مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.