فرنس آئل درآمد، پی ایس او نے مہنگے ٹینڈر منسوخ کر دیئے

حکومت کی جولائی میں بجلی کے متوقع بحران پر فرنس آئل منگوانے کی ہدایت

ہفتہ 19 جون 2021 17:03

فرنس آئل درآمد، پی ایس او نے مہنگے ٹینڈر منسوخ کر دیئے

کراچی(اُردو پوائنٹ اخبارتازہ ترین - این این آئی۔ 19 جون2021ء) جولائی میں متوقع بجلی کی لوڈشیڈنگ کے بحران سے نمٹنے کیلئے حکومتی آئل مارکیٹنگ کمپنی پی ایس او کی طرف سے فرنس آئل کی مہنگی بولیوں کے باعث ٹینڈر رد کر دیے گئے ہیں، وفاقی حکومت نے پاور ڈویژن کی طرف سے درآمدی ایل این جی کے نجی کمپنی کے ٹرمینل سالانہ مرمت پر ہونے کے باعث فرنس آئل کے پاور پلانٹس کو چلانے کیلئے پاکستان اسٹیٹ آئل کو فرنس آئل منگوانے کی فوری طور پر ہدایت کی تھی ۔

(جاری ہے)

پی ایس او نے جولائی کیلئے دونوں ٹینڈرز جاری کیے تھے ، پٹرولیم ڈویژن کے ذرائع کے مطابق جاری ٹینڈرز کیلئے مقامی مارکیٹ میں فرنس آئل کی قیمت سے زائد بولیاں وصول ہوئیں جس پر پی ایس او نے ٹینڈرز منسوخ کر دیے ۔ پی ایس او کو فرنس آئل کی درآمد کیلئے 120,000فی ٹن بولیاں موصول ہوئیں جبکہ مقامی مارکیٹ میں فرنس آئل کی قیمت متوقع طلب کے پیش نظر بڑھ کر75ہزارٹن ہوگئی ہے ۔