بھارت سے تربیت یافتہ دو دہشت گرد میر پور خاص سے گرفتار ،ملزمان کا واسع جلیل اور انیس ایڈووکیٹ سے رابطوں کا انکشاف
3 میں یہ دونوں لڑکے دہشت گردی کی تربیت لینے کے لیے بھارت گئے تھے، انہیں اونٹ چلانے سے لے کر اسلحہ منتقل کرنے تک تمام تربیت دی گئی،عمرشاہد
منگل 22 جون 2021 15:14
(جاری ہے)
انہوں نے بتایا کہ کچھ ہفتے قبل سی ٹی ڈی کا ایک آپریشن ہوا تھا، جس میں کچھ ایم کیو ایم کے لیڈرز کے نام سامنے آئے تھے، اس پر سی ٹی ڈی میر پور خاص نے گزشتہ رات آپریشن کیااور2ملزمان کو گرفتار کیا ہے، ان گرفتار دہشت گردوں کے نام وجیہہ اور عبدالنعیم ہیں۔
ڈی آئی جی سی ٹی ڈی نے بتایا کہ 2003 میں یہ دونوں لڑکے دہشت گردی کی تربیت لینے کے لیے بھارت گئے تھے، انہیں اونٹ چلانے سے لے کر اسلحہ منتقل کرنے تک تمام تربیت دی گئی، گرفتار ملزمان کے قبضے سے اینٹی ایئر کرافٹ گن، رائفل، ایک ہینڈ گرینیڈ، 2 پستول اور کئی رائونڈز برآمد ہوئے ہیں۔انہوں نے کہا کہ اب تک گرفتاردہشت گردوں کی تفتیش سے دو اہم نام انیس ایڈووکیٹ اور واسع جلیل کے سامنے آئے ہیں۔اس موقع پرایم کیو ایم لندن کے رہنما واسع جلیل پر دہشتگردی کے الزامات پر مشتمل آڈیو بھی سنائی گئی۔انہوں نے کہاکہ انیس ایڈووکیٹ کو دو بار تفتیش کے لئے بلایا جاچکا ہے، وہ شامل تفتیش ہیں۔انیس ایڈووکیٹ کے موبائل فون لیئے تھے، ان کی فرانزک کروائی گئی۔انہوں نے کہاکہ انیس ایڈووکیٹ سے متعلق اہم ثبوت ملا ہے، ان کے پاس اندرون سندھ کے لڑکوں کو عسکری تربیت دینے کے لئے بیرون ملک بھیجنے کا ٹاسک تھا۔ انیس ایڈووکیٹ کو مزید ایک سے دو روز میں بلایا جائے گا۔ انیس ایڈوکیٹ کو ملک چھوڑنے سے منع کیا گیا ہے۔ حقائق مزید سامنے آئے تو چالان کیا جائے گا۔انہوں نے کہاکہ انیس ایڈووکیٹ کے بینک اکائونٹ کی تفصیلات درکار ہیں۔ان کی کچھ مشکوک بینک ٹرانزیکشنزبھی سامنے آئی ہیں، ممکن ہے کہ انیس ایڈووکیٹ کا نام فورتھ شیڈول میں شامل کیا جائے۔عمر شاہد حامد نے کہاکہ گرفتار ملزم نعیم نے تہران میں انیس ایڈوکیٹ سے ملنے اور احکامات لینے کا انکشاف کیا۔ بینک سمیت دیگر معاملات سامنے آئے ہیں۔ڈی آئی جی سی ٹی ڈی نے کہا کہ 1998 سے 2002 کے درمیان بانی ایم کیو ایم کے کہنے پر انیس ایڈووکیٹ اور واسع جلیل نے ایک سسٹم بنایا تھا، اس سسٹم کے تحت اندرونِ سندھ سے کارکنان کو را سے تربیت دلوانی تھا۔ڈی آئی جی سی ٹی ڈی نے کہاکہ ہم واسع جلیل کووطن لانیکی بھی کوشش کررہے ہیں ،، وہ اس وقت امریکامیں ہے،اس حوالے سے خط وکتابت کاسلسلہ سی ٹی ڈی کی جانب سے جاری ہے۔انہوں نے کہاکہ فی الوقت فاروق ستارکیلئے ہمارے پاس مزیدسوالات نہیں ہیں اس لئے انہیں نہیں بلایا، ڈاکٹرفاروق ستارپرجوشکوک وشبہات تھے ان پرسوالات ہوئے تھے، ڈاکٹرفاروق ستارکو مزید بلانے کی ضرورت فی الحال پیش نہیں آرہی ہے۔انہوں نے بتایا کہ اے پی ایم ایس او کا صدر محمود صدیقی ابھی بھی بھارت میں موجود ہے، جو بانی ایم کیو ایم اور را کے درمیان رابطے کرنے کی ذمے داری نبھا رہا ہے۔ڈی آئی جی سی ٹی ڈی عمر شاہد نے یہ بھی بتایا کہ اس گروہ میں 6 ملزمان تھے، جن میں سے 5 گرفتار ہو چکے ہیں، جو لوگ تربیت کرنے بھارت گئے، ان کی تعداد کافی زیادہ ہے، 3 دہشت گردوں کو چند ہفتے قبل حیدر آباد سے گرفتار کیا تھا جبکہ 2 کو گزشتہ روز میر پور خاص سے گرفتار کیا گیا ہے۔مزید اہم خبریں
-
بھارت کے قومی انتخابات میں پہلے مرحلے کی پولنگ جاری
-
بلوچستان میں طوفانی بارشوں کے باعث ڈیم ٹوٹ گیا
-
پولٹری:کارپوریٹ سیکٹر میں ملک کی دوسری جبکہ روزانہ کی بنیاد پر کیش فلو کے لحاظ سے پاکستان کی سب سے بڑی انڈسٹری تنازعات کا شکارکیوں؟
-
ملکی زرمبادلہ ذخائر میں مزید اضافہ ہو گیا
-
پاکستان میں سیمی کنڈکٹر انڈسٹری کے لئے بڑی صلاحیت موجود ہے.عطاءتارڑ
-
وزیراعظم نے بجلی کے ترسیلی نظام اور تقسیم کار کمپنیوں کی بہتری کیلئے ترجیحی پلان مرتب کرکے آئندہ ہفتے پیش کرنے کی ہدایت کردی
-
بین الاقوامی سرمایہ کاری کے منصوبوں کو پایہ تکمیل تک پہنچانے کیلئے عالمی شہرت یافتہ ماہرین کی خدمات لی جائیں.شہباز شریف
-
اسرائیل پر حملے کا جواب ‘امریکا اور برطانیہ نے ایران پر نئی پابندیاں عائدکردیں
-
جماعت اسلامی فارم 47 کے تحت مسلط حکومت کے خلاف بڑی تحریک برپا کرے گی
-
لاہور ہائی کورٹ نے فواد چوہدری کو 36 کیسز میں عبوری ضمانت کی درخواست دائر کرنے کے لیے 7 دن کی مہلت دیدی
-
روپے کی قدر میں کمی:دنیا بھر میں بحران کا شکار قرض پروگرام لینے والے ممالک کے لیے کرنسی کی قدرمیں کمی شرط ہوتی ہے.محمد اورنگزیب
-
بدترین معاشی حالات اور شہریوں کی قوت خرید میں کمی سے کاروں اور دیگر گاڑیوں کی فروخت میں تنزلی
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.