سندھ اسمبلی میں متحدہ کے ارکان کا احتجاج، اسپیکر ڈائس کے سامنے دھرنا دیدیا، ایوان میں نعرے بازی

ایم کیو ایم سندھ کے بجٹ کو مسترد کرتی ہے بجٹ میں کراچی کو نظر انداز کیا گیا، کنور نوید جمیل

بدھ 23 جون 2021 23:42

کراچی (اُردو پوائنٹ اخبارتازہ ترین - این این آئی۔ 23 جون2021ء) سندھ اسمبلی میں بجٹ بحث کے پانچویں روز ایم کیو ایم پاکستان نے بجٹ تقاریر میں حصہ تو لیا تاہم ایوان میں شدید احتجاج بھی کیا اور اسپیکر ڈائس کے سامنے دھرنا دے دیا۔متحدہ قومی موومنٹ کے پارلیمانی لیڈر کنور نوید جمیل نے کہا کہ ایم کیو ایم سندھ کے بجٹ کو مسترد کرتی ہے بجٹ میں کراچی کو نظر انداز کیا گیا۔

(جاری ہے)

سندھ حکومت کراچی سے 4 سو ارب جمع کرتی ہے لیکن شہر کو دیتی کچھ نہیں ہے۔ایم کیو ایم پاکستان کے اراکین نے ایوان میں نعرے لگائے اور بینرز لے کر دھرنا دے دیا۔وزیراعلی سندھ مراد علی شاہ نے ایم کیو ایم ارکان سے بیٹھنے اور بات سننے کی درخواست کی۔کنور نوید جمیل نے کہا حکومت کا رتبہ ماں کے برابر ہوتا ہے، لیکن موجودہ حکومت کا رویہ سوتیلی ماں کا نہیں ڈائن کا ہے۔