میگا منی لانڈرنگ ریفرنس

آصف زرداری ،فریال تالپور کی استثنیٰ کی درخواستیں منظور،فاروق ایچ نائیک کے دلائل پر عدالت میں قہقے

جمعرات 24 جون 2021 21:10

اسلام آباد(اُردو پوائنٹ اخبارتازہ ترین - آن لائن۔ 24 جون2021ء) احتساب عدالت اسلام آباد میں سابق صدر آصف زرداری کیخلاف میگا منی لانڈرنگ ریفرنس کی سماعت کورٹ روم نمبر دو کے جج اعظم خان نے کی عدالت نے سابق صدر آصف زرداری ، فریال تالپور کی ایک روزہ عدالتی حاضری سے استشنی کی درخواستیں منظور کر لی۔ آصف زرداری کے وکیل فاروق نائیک، نیب پراسیکیوٹر وسیم جاوید عدالت کے روبرو پیش ہوئے ۔

(جاری ہے)

نیب گواہ محمد نعیم کے بیان پر آصف زرداری، فریال تالپور کے وکیل کی جرح مکمل کرلی جبکہ نیب گواہ آغا مہروز کا بیان مکمل قلمبند نہ ہو سکا، نیب پراسیکیوٹر نے عدالت کو بتایا کہ گواہ کراچی سے آیا ہے بیان مکمل قلمبند کیا جائے جس پر فاروق نائیک نے عدالت کو بتایا کہ گواہ نے آئندہ سماعت پر جرح کیلئے دوبارہ آنا ہے ایک موقع پرفاروق نائیک نے عدالت کو بتایا کہ ہم تو چاہتے ہیں کہ کیسز کراچی چلے جائیں جس پر عدالت میںموجود افراد نے زور دار قہقے لگاتے رہے ،احتساب عدالت نے سماعت مزید کارووائی کیلئے 8جولائی تک ملتوی کر دی ۔بشارت راجہ