خورشید شاہ کو دو سال سے اسپتال میں رکھنے کا معاملہ ،عدالت نے تحریری آرڈر جاری کردیا

جمعرات 1 جولائی 2021 23:18

سکھر(اُردو پوائنٹ اخبارتازہ ترین - آن لائن۔ 01 جولائی2021ء) خورشید شاہ کو دو سال سے اسپتال میں رکھنے کا معاملہ ،عدالت عالیہ نے تحریری آرڈر جاری کردیا ،تحریری فیصلے میں سابق آئی جی جیل خانہ جات طلب تفصیلات کے مطابق سندھ ہائیکورٹ سکھر بینچ نے عدالت عالیہ میں پی ٹی آئی رہنما سید طاہر حسین شاہ کی جانب سے دائراس آئینی درخواست میں جس میں موقف اختیار کیا گیاہے کہ پیپلزپارٹی رہنما خورشید شاہ جو کہ آمدن سے زائد اثاثہ جات ریفرنس میں ملزم ہیں انہیں بلاجواز دو سال سے بیمار دکھاکر این آئی سی وی ڈی اسپتال میں رکھا گیاہے کی جاری سماعت کے حوالیسے تحریری آرڈر جاری کردیاہے جس میں کہا گیاہے کہ نیب حکام۔

(جاری ہے)

،این آئی سی و ی ڈی حکام اور ایڈیشنل ایڈوکیٹ جنرل اس حوالیسے جواب دینے سے قاصر ہیں عدالت نے اس معاملے پر آئی جی جیل خانہ جات سندھ نصرت منگھن کو 8 جولائی کو طلب کرلیا ہے عدالت عالیہ نے تحریری آرڈر میں یہ بھی ریمارکس جاری کیے ہیں کہ خورشید شاہ اگر علیل ہیں تو پھر وہ کس طرح ایک صوبے سے دوسرے صوبے تک کا سفر کررہیہیں اور اگر آئندہ سماعت پر تسلی بخش جواب نہ دینے پر ڈی جی نیب ،چیف سیکریٹری سندھ کو ذاتی طور پرطلب کرکے توہین عدالت کی کاروائی چلائی جاسکتی ہے عدالت نے اس حوالے سے آئینی درخواست کی سماعت 8 جولائی مقرر کررکھی ہی