بلے کیلئے ووٹ مانگنے کی میری آڈیو درست ہے، وزیر داخلہ شیخ رشید

پیر 5 جولائی 2021 23:55

اسلام آباد (اُردو پوائنٹ اخبارتازہ ترین - این این آئی۔ 05 جولائی2021ء) وزیر داخلہ شیخ رشید نے کہا ہے کہ آزاد کشمیر الیکشن میں ووٹ مانگنے سے متعلق میری آڈیو درست ہے، بلے کیلئے کشمیر جاکر بھی ووٹ مانگنا پڑا تو تیار ہوں۔شیخ رشید نے مسلم لیگ نون کے رہنما طلال چوہدری کی جانب سے ووٹ مانگنے کی جاری کردہ آڈیو پر تبصرہ کرتے ہوئے کہا کہ یہ آڈیو درست ہے۔

(جاری ہے)

وفاقی وزیر داخلہ نے کہا کہ کشمیر جاکر بھی بلے کے لیے ووٹ مانگنے کو تیار ہوں۔اس سے قبل طلال چوہدری نے ٹوئٹر پر ایک آڈیو جاری کی تھی جس میں انہوں نے دعویٰ کیا تھا کہ شیخ رشید 25 جولائی کو آزاد کشمیر انتخابات میں پی ٹی آئی کیلئے ووٹ مانگ رہے ہیں۔آڈیو کی گفتگو میں اہم بات یہ تھی کہ شیخ رشید کے ساتھ دوسری جانب کال پر موجود شخص کا کہنا تھا کہ وہ شیر کو ہی ووٹ دے گا۔ووٹ مانگنے کی آڈیو شیئر کرتے ہوئے لیگی رہنما طلال چوہدری نے لکھا کہ یہ شیخ رشید ہی کہتا تھا نوازشریف کی سیاست ختم ہو گئی ہے۔