بھارتی سفارتکاروں کا انخلاء، سوشل میڈیا میدان میں آگیا ، میمز کی بھرمار ہوگئی

صارفین بھارت کی افغانستان میں صورتحال کا خوب مذاق اڑا تے رہے

اتوار 11 جولائی 2021 21:35

کابل (اُردو پوائنٹ اخبارتازہ ترین - این این آئی۔ 11 جولائی2021ء) افغانستان میں طالبان کی پیش قدمی کے بعد بھارتی سفارت کاروں اور مبینہ ’را‘ ایجنٹوں کا انخلا کے بعد سوشل میڈیا پر میمز کا طوفان آگیا ہے۔تفصیلات کے مطابق افغانستان سے بھارتی سفارت کاروں کے انخلا کی بھارتی وزارت خارجہ نے بھی تصدیق کی ہے۔ افغانستان کے دوسرے بڑے شہر قندھار میں قائم بھارتی قونصل خانے سے تمام بھارتی عملے کو واپس بلا لیا گیا ہے اس حوالے سے سوشل میڈیا پر میمز کی بھرمار ہوگئی ہے اور صارفین بھارت کی افغانستان میں صورتحال کا خوب مذاق اڑا تے رہے ،ٹوئٹر پر ایک صارف نے قندھار میں بند بھارتی قونصل خانے کی تصویر پوسٹ کرتے ہوئے لکھا کہ تیار شدہ (فرنشڈ) گھر کرائے کے لیے دستیاب ہے۔

ایک صارف نے غالباً کسی بھارتی فلم کا منظر پوسٹ کرتے ہوئے بھارتی عملے کی روانگی پر طنز کیا ہے، تصویر میں متعدد افراد آنکھیں چرائے جارہے ہیں اور تصویر پر لکھا کہ آنکھیں مت ملاؤ، بس چلتے جاؤ۔

(جاری ہے)

ایک صارف نے بھارتی اداکار منوج باجپائی کی کسی فلم کا منظر پوسٹ کیا ہے جس میں وہ چادر ڈھک کر منہ چھپاتے ہوئے فرار ہورہے ہیں،صارف نے اس منظر کو قندھار میں بھارتی قونصل خانے کے عملے اور دہشت گردوں کے فرار ہونے سے ملایا ہے۔

ایک صارف نے بالی وڈ اداکار نواز الدین صدیقی کی تصویر پوسٹ کی ہے جس میں وہ زخمی حالت میں موجود ہیں اور تصویر پہ لکھا کہ مجھ میں تو طاقت ہی نہیں بچی کچھ کرنے کی ،صارف نے اس صورت حال کو افغانستان میں بھارتی فوج کی صورت حال سے تعبیر کیا ہے۔ایک اور صارف نیبالی وڈ فلم گینگ آف واسع پور کی تصویر پوسٹ کی ہے جس میں منوج باجپائی دیگر ساتھیوں کے ساتھ موٹر سائیکل پر بیٹھ کر اسلحے سمیت فرار ہورہے ہیں، صارف نے اس منظر کو افغانستان سے بھارت کے فرار سے تعبیر کیا ہے۔