طالبان کی کابل ایئرپورٹ کی سیکیورٹی کیلئے ترک امریکا معاہدے کی مخالفت

منگل 13 جولائی 2021 12:10

کابل (اُردو پوائنٹ اخبارتازہ ترین - این این آئی۔ 13 جولائی2021ء) افغان طالبان نے کابل ایئرپورٹ کی سیکیورٹی کے لیے امریکا اور ترکی کے درمیان معاہدے کی مخالفت کردی۔میڈیارپورٹس کے مطابق ترجمان طالبان نے ایک بیان میں کہاکہ طالبان ڈیڈلائن کے بعد کسی بھی غیر ملکی فوج کی افغانستان میں موجودگی کے خلاف ہیں۔

(جاری ہے)

خیال رہے کہ طالبان کی جانب سے دعوی کیا جارہا ہے کہ انھوں نے افغانستان کے بیشتر علاقوں کا کنٹرول سنبھال لیا ہے۔

دوسری جانب افغانستان کے شہر قندھار پر قبضے کے لیے طالبان اور افغان فورسز کے درمیان جھڑپیں جاری ہیں۔افغانستان میں طالبان کی مسلسل پیش قدمی جاری ہے، جہاں اب قندھار پر قبضے کے لیے جھڑپیں شدت اختیار کرگئیں۔صوبے غور کے دو اضلاع تائیوارا اور پسابند طالبان کے قبضے میں چلے گئے ہیں۔