پاکستان جی ایس پی پلس جاری رکھنے کے لیے ہیومن، لیبر رائٹس کنونشنز پر عمل درآمد یقینی بنائے،سفیر یورپی یونین
یورپی یونین جی ایس پی پلس کی پیشرفت،اثرات کے جائزے کے لیے کراچی چیمبر کے ساتھ مل کر کام کرے، شارق وہرہ
جمعہ 16 جولائی 2021 16:18
(جاری ہے)
اس موقع پر صدر کے سی سی آئی ایم شارق وہرہ، سینئر نائب صدر ایم ثاقب گڈلک، کے سی سی آئی کے ڈپلومیٹک مشنز ایمبیسیز لائژن کمیٹی کے چیئر مین جنید منڈیا، سابق صدر کے سی سی آئی مجید عزیز اور کے سی سی آئی کی منیجنگ کمیٹی کے ممبران بھی اجلاس میں شریک تھے۔
یورپی یونین کی سفیر نے بتایا کہ اصلاحات اور کنونشنز کے نفاذ پر پیش رفت کا ہر دو سال بعد جائزہ لیا جاتا ہے اور اگر کوئی ملک فرائض کی مکمل پابندی نہیں کرتا پایا گیا تو رپورٹ کی روشنی میں جی ایس پی جیسی خصوصی تجارتی مراعات کو واپس لے لیا جاتا ہے تاہم انہوں نے کہا کہ 2020 کی جائزہ رپورٹ میں پاکستان نے کچھ ایریاز میں نمایاں بہتری حاصل کی ہے لیکن دوسرے شعبوں میں بھی بہت کچھ کرنے کی ضرورت ہے۔انہوں نے پاکستان کی جانب سے دستخط کیے گئے مجموعی طور پر 27 کنونشنز میں سے کچھ کنونشنز میں بہتری کی تعریف کرتے ہوئے کہا کہ حکومت نے صحافی برادری کے تحفظ کے لیے قانون سازی میں دوسال لگائے لیکن انہوں نے اس بات پر زور دیا کہ یورپی یونین کے فرائض کو پورا کرنے کے لیے گمشدگی، تشدد اور بدعنوانی سے متعلق قانون سازی کے لیے اصلاحات، اقدامات اور فیکٹریوں کے انسپیکشن میں تیزی لانے کی ضرورت ہے۔ انہوں نے بتایا کہ باہمی تجارتی و اقتصادی تعلقات کو مستحکم کرنے باالخصوص چھوٹے اور درمیانے درجے کے کاروباری اداروں (ایس ایم ایز) پر خصوصی توجہ دینے کے لیے یورپی یونین پاکستان بزنس کونسل تشکیل دی جائے گی۔قبل ازیں صدر کے سی سی آئی ایم شارق وہرہ نے یورپی یونین کے سفیر کا خیرمقدم کرتے ہوئے اس بات پر زور دیا کہ یورپی یونین کے جی ایس پی پلس نے دہشت گردی کے خلاف جنگ اور دنیا میں امن قائم کرنے میں پاکستان کی مدد کی ہے۔ جی ایس پی پلس نے روزگار کے وسیع مواقع پیدا کیے جس نے معاشی بحرانوں سے نمٹنے میں ایک حد تک مدد کی لہٰذا یورپی یونین کو لازمی طور پر اسے طویل عرصے تک جاری رکھنا چاہیے تاکہ صنعتوں کو مسابقتی دنیا میں موجود تمام چیلنجز سے نمٹنے کے لیے تیار کیا جاسکے۔انہوں نے اس بات پر بھی زور دیا کہ حکومت پاکستان کو تمام قانون سازی پر اولین ترجیح دیتے ہوئے کام تیز کرنا چاہیے جو قومی اسمبلی، سینیٹ یا نیشنل کمیشن فار ہیومن رائٹس کی سطح پر زیر التواء ہیں۔ ایسی تمام قانون سازی جو یورپی یونین کی شرائط میںشامل ہیں جلد از جلد اس کی منظوری اور قانون سازی کی جائے جس سے پاکستان کو جی ایس پی پلس کی حیثیت برقرار رکھنے میں مدد ملے گی۔ انہوں نے مزیدکہا کہ یورپی یونین کو پاکستان کی معیشت اور کاروبار پر جی ایس پی پلس کی پیش رفت اور اثرات کا جائزہ لینے کے لیے کراچی چیمبر کے ساتھ مل کر زیادہ فعال طور پر کام کرنا چاہیے۔مزید قومی خبریں
-
کراچی، دوست کے ہاتھوں دوست کے قتل کی سی سی ٹی وی سامنے آگئی
-
گورنرسندھ کامران خان ٹیسوری سے ایران کے قونصل جنرل کی ملاقات
-
گورنرسندھ کامران خان ٹیسوری کی تبدیلی کے امکانات کم ہوگئے
-
21اپریل کا ضمنی الیکشن 8،فروری کے الیکشن کا ہی ری پلے تھا،رائے حسن نواز
-
پنجاب میں پراونشنل انفورسمنٹ اتھارٹی کاقیام، وزیر اعلیٰ مریم نواز شریف نے منظوری دے دی
-
ڈیرہ غازی خان پولیس کی کارروائی،منشیات فروش کو گرفتار کر کے 4 کلو گرام چرس برآمد کر لی
-
وفاقی وزیر برائے وفاقی تعلیم ڈاکٹر خالد مقبول صدیقی سے یونیسیف کے نمائندے کی ملاقات
-
نوجوانوں کو معاشی طور پر مستحکم کرنا ہماری اولین ترجیح ہے،رانا مشہود احمد خاں
-
سرمایہ کاروں کا اعتماد بحال کرنا حکومت کی اولین ترجیح ہے،وفاقی وزیررانا تنویر حسین
-
مارچ میں چین کی پاکستان میں 153.9ملین ڈالر کی براہ راست سرمایہ کاری
-
صوبائی وزیرصحت خواجہ سلمان رفیق کی زیرصدارت فاطمہ جناح میڈیکل یونیورسٹی کا 36 واں سینڈیکیٹ اجلاس
-
لیسکو کی بجلی چوروں کا خلاف کارروائیاں ، 8 ملزمان گرفتار
UrduPoint Network is the largest independent digital media house from Pakistan, catering the needs of its users since year 1997. We provide breaking news, Pakistani news, International news, Business news, Sports news, Urdu news and Live Urdu News
© 1997-2024, UrduPoint Network
All rights of the publication are reserved by UrduPoint.com. Reproduction without proper consent is not allowed.