فیصل آباد میں ہر سال 50 جانور قربان کرکے غریبوں میں بانٹنے والا خاندان

منگل 20 جولائی 2021 23:26

مکوآنہ (اُردو پوائنٹ اخبارتازہ ترین - این این آئی۔ 20 جولائی2021ء) فیصل آباد میں ایک ایسی فیملی بھی ہے جو کہ ہر سال عید الاضحی پر 50 کے قریب بھاری بھرکم اور قیمتی جانور اللہ کی راہ میں قربان کرتی ہے۔

(جاری ہے)

فیصل آباد کے علاقے ڈی ٹائپ کالونی میں مدھو لال فیملی کئی برسوں سے اپنی روایت کوبرقرار رکھے ہوئے ہے اور اس سال بھی عید الاضحی پر پچاس کے قریب بھاری بھرکم اور اعلی نسل کے بیل و بچھڑے اللہ کی راہ میں قربان کرنے کی تیاریوں میں مصروف ہیں، اور ان مہمان جانوروں کی خوب خاطر مدارت کی جا رہی ہے۔

مدھو لال فیملی کی بڑی تعداد میں اعلی نسل کے قیمتی جانور قربان کرنے کا یہ سلسلہ کئی سالوں سے جاری ہے ان بھاری بھرکم جانوروں میں آسٹریلین نسل کا چھ فٹ اونچا اور پندرہ من وزنی بیل بھی شامل ہے جوکہ دیکھنے والوں کی توجہ کا مرکز بنا ہوا ہے،، اس کے علاوہ سفید بکروں کے ساتھ بھی شہری خوب سلفیاں بنا رہے ہیں۔فیملی کے سربراہ کا کہنا ہے کہ اتنی تعداد میں جانوروں کی قربانی کا مقصد بس ایک ہی ہے کہ زیادہ سے زیادہ مستحقین کو گوشت کھانے کو مل جائے۔